އެމްޕީއެލް އިން ތިން މުވައްޒަފުން ހައްޖަށް ދިޔުމުގެ ފުރުސަތު ދީފި
7 ޖޫން 2023 | ބުދަ 15:31ޕޮލިސީގެ ދަށުން ހައްޖުގެ އަޅުކަން އަދާކުރުމަށް ކުރިމަތިލެވޭނީ ކުންފުނީގައި މެދުނުކެނޑި 15 އަހަރު ނުވަތަ އެއަށްވުރެ ގިނަ މުއްދަތަކަށް ޚިދުމަތްކޮށްފައިވާ މުވައްޒަފުންނަށް
އެމްޕީއެލް އިން ތިން މުވައްޒަފުން ހައްޖަށް ދިޔުމުގެ ފުރުސަތު ދިނުން
މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ޚަރަދުގައި އެ ކުންފުނީގެ ތިން މުވައްޒަފަކަށް ހައްޖަށް ދިޔުމުގެ ފުރުސަތު ދީފިއެވެ.
އެމްޕީއެލްގެ ފަރާތުން ހައްޖަށް ފޮނުވާ ތިން މުވައްޒަފުންނަކީ:
ހައްޖަށް ދިޔުމުގެ ފުރުސަތު ލިބުނު ތިން މުވައްޒަފުންނާ އެމްޕީއެލްގެ ސީއީއޯ ޝާހިދު ޢަލީ ވަނީ ބައްދަލުކުރައްވާފައެވެ. އަދި ހައްޖު ދަތުރު ހަމަޖެހުނުކަމުގެ ލިޔުން އެ މުވައްޒަފުންނަށް ހަވާލުކޮށްދެއްވާފައިވެއެވެ.
ޝާހިދު ވިދާޅުވީ ކުންފުނީގެ އަމާޒަކީ އަންނަ އަހަރު ފަސް މުވައްޒަފުން ހައްޖަށް ފޮނުވުން ކަމަށެވެ. އަދި ރަމަޟާން މަހު ތިން މުވައްޒަފުން އުމްރާއަށް ފޮނުވުމަށް މަސައްކަތް ކުރައްވާ ކަމަށް ވެސް އޭނާ ވިދާޅުވިއެވެ.
ހައްޖު ދަތުރު ލިބުނު ތިން މުވައްޒަފުން ވެސް ވަނީ ހައްޖު ދަތުރު ލިބުމަކީ ވަރަށް ބޮޑު އުފަލެއްކަމަށް ސިފަކޮށް، ކުންފުންޏަށް ޝުކުރު އަދާކޮށްފައެވެ. މި ތިން މުވައްޒަފުންނަކީ އެމްޕީއެލްގެ ހައްޖު އަދި އުމްރާ ޕޮލިސީގެ ދަށުން ހައްޖުގެ އަޅުކަން އަދާކުރުމަށް ހުށަހެޅި މުވައްޒަފުންގެ ތެރެއިން ހޮވުނު ތިން މުވައްޒަފުންނެވެ.
އެމްޕީއެލްގެ ހައްޖު އަދި އުމްރާ ޕޮލިސީގެ ދަށުން ހައްޖުގެ އަޅުކަން އަދާކުރުމަށް ކުރިމަތިލެވޭނީ ކުންފުނީގައި މެދުނުކެނޑި 15 އަހަރު ނުވަތަ އެއަށްވުރެ ގިނަ މުއްދަތަކަށް ޚިދުމަތްކޮށްފައިވާ މުވައްޒަފުންނަށެވެ.
