ހުޅުމާލެ ދެވަނަފިޔަވަހީ ދިމާލު ކަނޑުމަތިން މަރުވެފައި އޮތް މީހަކު ފެނިއްޖެއެވެ.
ފުލުހުން ބުނީ އެ މީހާ ފެނިފައިވަނީ އެޗް 16 އާ ދިމާލުން ކަނޑުމަތިން އަންގާރަ ދުވަހުގެ ހަވީރު 5:56 ހާއިރު ކަމަށެވެ.
ހަށިގަނޑު ފެނުނުއިރު އޮތީ ގިރުވާނުލީ އަތްކުރު ކަޅުލުލައިގެ ޓީޝާޓަކާއި ކަޅުކުލައިގެ ސޯޓެއް ލައިގެން ކަމަށާއި ކަޅުކުލައިގެ ބޫޓަކަށް އަރައިގެން ހުރި ކަމަށް ވެސް ފުލުހުން ބުންޏެވެ. އަދި އެ މީހާއަކީ ބިދޭސީއެއް ކަމަށް ބެލެވޭ ކަމަށް ވެސް ވަނީ ބުނެފައެވެ.
އެ މީހާގެ ހަށިގަނޑު މިހާރުވަނީ ގަލޮޅު މޯޗަރީއަށް ގެންގޮސްފައެވެ.
ފުލުހުން ބުނީ އެ އިދާރާއިން މިހާތަނަށް ބެލިބެލުމުން އެއީ ކާކުކަން ދެނެގަނެވިފައި ނުވާ ކަމަށެވެ.
އެ މީހާއާ ގުޅޭ އެއްވެސް މައުލޫމާތެއް ލިބިފައިވާނަމަ ސީރިއަސް އެންޑް އޯގަނައިޒްޑް ޑިޕާޓްމަންޓުގެ ނަމްބަރު 9911099 އަށް ގުޅުއްވައި މައުލޫމާތު ހިއްސާކުރުމަށް ފުލުހުންގެ އިދާރާއިން ވަނީ އެދިފައެވެ.
