ސިޓީއަށް ބޯޅަ ގެއްލުވާލައި، ދަނޑުން އެންމެ އިންޗިއެއްވެސް ދީގެންނުވާނެ: ކޯޗު
10 ޖޫން 2023 | ހޮނިހިރު 08:43އިންޓަރގެ ކޯޗު ވަނީ ޔުނައިޓެޑާ ދެކޮޅަށް ސިޓީ ކުޅުނު މެޗު ދިރާސާކޮށްފައި
ޗެމްޕިއަންސް ލީގު ފައިނަލުގައި ވާޑަކުރާ ދެ ޓީމުގެ ކޯޗުންނާއި ފޯވާޑުން
ޗެމްޕިއަންސް ލީގު ފުޓްބޯޅަ މުބާރާތުގެ ފައިނަލްގައި މެންޗެސްޓަރ ސިޓީއާ ދެކޮޅަށް ކުޅެ ތަށި ހޯދޭނެ ދެ ގޮތެއް އިންޓަރމިލާނުގެ ކޯޗު ސިމޯން އިންޒާގީ ހޯދައިފިއެވެ.
އޭނާ ބުނީ އިނގިރޭސި އެފްއޭކަޕް ފުޓްބޯޅަ މުބާރާތުގެ ފައިނަލްގައި މެންޗެސްޓަރ ސިޓީއާއި މެންޗެސްޓަރ ޔުނައިޓެޑް ކުޅުނު މެޗު އޭނާ ބަލައި ދިރާސާކޮށްފައިވާކަމަށެވެ.
އޭނާ ބުނީ ސިޓީ ހުއްޓުވަން މުހިންމު ދެ ކަމެއް ކުރަންޖެހޭ ކަމަށެވެ. ފުރަތަމަ ކަމަކީ އެމީހުންނަށް ބޯޅަ ނުދިނުމެވެ. ދެވަނަ ކަމަކީ ސިޓީއަށް ދަނޑުމަތިން ޖާގަ ނުދިނުމެވެ.
މި ފައިނަލަކީ އިންޒާގީގެ ހަތްވަނަ ކަޕް ފައިނަލެވެ. އޭނާ ވަނީ ލާޒިއޯއާއި އިންޓަރމިލާނުގައި ހަތް މުބާރާތެއް ކާމިޔާބުކޮށްފައެވެ.
އަދި އިންޓަމިލާނުން ވަނީ ތަށި ހޯދައިފިނަމަ ކުޅުންތެރިންގެ މެދުގައި 10 މިލިއަން ޔޫރޯ ބަހާލަން ނިންމާފައެވެ.
