ސެމީ އަށް ދިއުމުގެ ފައިނަލަކީ ރާއްޖެ މެޗު: ބަނގްލަދޭޝް ކެޕްޓަން
25 ޖޫން 2023 | އާދީއްތަ 03:46ރާއްޖެ މެޗުން މޮޅުވެގެން އަހަރުމެންނަށް ސެމީ އަށް ދެވޭނެ: ބަނގްލަދޭޝް ކެޕްޓަން
ބަނގްލަދޭޝްގެ ގައުމީ ޓީމުގެ ކުޅުންތެރިން
ސާފް ޗެމްޕިއަންޝިޕް ފުޓްބޯޅަ މުބާރާތުގެ ސެމީ ފައިނަލަށް ދިއުމަށް، ގްރޫޕް ސްޓޭޖްގައި ރާއްޖެއާ ދެކޮޅަށް ކުޅެން ޖެހޭ މެޗަކީ ފައިނަލެއް ކަމަށް ބަނގްލަދޭޝް ޓީމުން ބުނެފި އެވެ.
ކެޕްޓަން ޖަމާލް ބުއިއަން ބުނީ އެންމެ ފަހުގެ ފަސް މުބާރާތުގައި ވެސް ގްރޫޕް ސްޓޭޖުން ފެއިލްވި ނަމަވެސް އިންޑިޔާގައި ޖޫން 21 އިން ޖުލައި 4 އަށް ކުޅޭ މުބާރާތާމެދު އުއްމީދު ބޮޑު ކަމަށެވެ.
ބަނގްލަދޭޝް އާއި ދިވެހިރާއްޖެ އަދި ބޫޓާނާއި ލުބުނާން ހިމެނޭ ގްރޫޕޭ ބެހޭ ގޮތުން ބުއިއަން ބުނީ ބަނގްލަދޭޝް ފުރަތަމަ ކުޅެންޖެހޭނީ ލުބުނާނާއެކު ކަމަށްވިޔަސް އެ މެޗުން ބަލިނުވުން މުހިންމު ކަމަށެވެ.
ސާފް ޗެމްޕިއަންޝިޕުގައި މި ފަހަރު ސާކްގެ ހަ ގައުމާއި ސަރަހައްދުން ބޭރުން ދެ ގައުމެއް ބައިވެރިކުރެ އެވެ. އެއީ ލުބުނާނާއި ކުވޭތެވެ. މުބާރާތް ރާވާފައިވަނީ ކޮންމެ ދެ ގްރޫޕަކަށް އަށް ޓީމު ބަހާލުމަށްފަހު އެންމެ ގިން ޕޮއުންޓް ހޯދާ ދެ ޓީމު ސެމީ ފައިނަލް ކުޅޭ ގޮތަށެވެ.
