އައްޑޫ ސިޓީއަށް އަންނަ ތަރައްގީ ފާހަގަކުރުމުގެ ގޮތުން ހަވާ އަރުވަނީ
ހަވާ އެރުވުމަށް ހަމަޖެހިފައި ވަނީ އައްޑޫ ސިޓީ ސްކެއާގައި
ހަވާ އަރުވަނީ
އައްޑޫ ސިޓީއަށް އަންނަ ތަރައްގީ ފާހަގަކުރުމުގެ ގޮތުން ހަވާ އަރުވަން ނިންމައިފިއެވެ.
ހަވާ އެރުވުމަށް ހަމަޖެހިފައި ވަނީ އައްޑޫ ސިޓީ ސްކެއާގައި ރައީސް އިބްރާހިމް މުހައްމަދު ޞާލިހު، ރައްޔިތުންނާ އެކީގައި ބާއްވަވާ ބައްދަލުވުމުގެ ތެރެއިންނެވެ.
މިއީ އައްޑޫ ކައުންސިލުން އިންތިޒާމުކޮށްގެން އެމްއެންޑީއެފް ސިފްކޯގެ އެހީތެރިކަމާ އެކު ކުރިއަށް ގެންދާ ހަރަކާތެކެވެ.
އާދިއްތަ ދުވަހުގެ ރޭ ހަވާ އަރުވަން ނިންމާފައިވާއިރު، ރައީސް ސާލިހު އައްޑޫ ސިޓީއަށް ކުރައްވާ ތިން ދުވަހުގެ ރަސްމީ ދަތުރުފުޅުގައި އައްޑޫ ސިޓީގެ ތަރައްގީއަށް ހިންގޭ ބައެއް މަޝްރޫއުތައް ފައްޓަވައިދެއްވައި، އަދި މިހާރު ކުރިޔަށްދާ ބައެއް މަޝްރޫއުތަކުގެ މަސައްކަތްތައް ބައްލަވައިލައްވާނެއެވެ. އެގޮތުން، އައްޑޫ ސިޓީއަށް ބިން އިތުރުކުރުމުގެ މަޝްރޫއު އެމަނިކުފާނު ވަނީ މިދަތުރުފުޅުގައި ފައްޓަވާދެއްވާފައެވެ.
