މެއި މަހު ފެށުމަށް ހަމަޖެހިފައިވާ ޕްރޮގްރާމްތަކުގެ ތެރެއިން ވިލާ ކޮލެޖުން މެލޭޝިޔާގެ ޓޭލަރސް ޔުނިވަސިޓީއާއެކު ކުރިޔަށްގެންދާ ޕްރޮގްރާމްތައް އިއުލާންކޮށްފިއެވެ.
ބުރާސްފަތި ދުވަހު މި ޕްރޮގްރާމްތައް އިއުލާންކޮށްފައިވާއިރު މި ޕްރޮގްރާމްތަކާ ގުޅޭގޮތުން ރާއްޖެޓީވީގެ "ފަލަސުރުޚީ" ޕްރޮގްރާމްގައި ވާހަކަފުޅުދައްކަވަމުން ވިލާކޮލެޖުގެ މާކެޓިންގ އެންޑް ކޮމިޔުނިކޭޝަންސް ޑިރެކްޓަރ ނިޒްލާ އަލީ ދީދީ ވިދާޅުވީ، ފަސް ދާއިރާއަކުން ޕްރޮގްރާމްތައް ހުޅުވާލާފައިވާކަމަށެވެ. އެގޮތުން ހުޅުވާލާފައިވަނީ އިންޓަރނޭޝަނަލް ހޮސްޕިޓާލިޓީ ދާއިރާއިން ޑިގްރީ އަދި މާސްޓަރސްއާއި، ކަލިނަރީ މެނޭޖްމަންޓް ދާއިރާއިން ޑިގްރީ އަދި މާސް ކޮމިޔުނިކޭޝަން ދާއިރާއިން ޑިގްރީއާއި މާސްޓަރސްއަށެވެ.
މި ފަސް ދާއިރާއިން 30 ސްކޮލަރޝިޕް ފުރުސަތު ވަނީ ހުޅުވާލާފައެވެ. ނިޒްލާ ވިދާޅުވީ މި ސްކޮލަރޝިޕްގެ 50 އިންސައްތަ ޓިޔުޝަން ފީ ވިލާ ކޮލެޖާއި ވިލާ ފައުންޑޭޝަން ދައްކާއިރު، ބާކީ 50 އިންސައްތަ ދައްކަންޖެހޭނީ ދަރިވަރުންކަމަށެވެ.
10 ސްލޮޓް ކަލިނަރީއަށް މިއިންނަނީ. 5 ސްލޮޓް މާސް ކޮމިޔުނިކޭޝަން ޑިގްރީ، އަދި 5 ސްލޮޓް މާސް ކޮމިޔުނިކޭޝަން މާސްޓަރސް. ހޮސްޕިޓާލިޓީ ދާއިރާގެ އަންޑަރ ގްރަޖުއޭޓް ފަސް ސްލޮޓް އަދި ޕޯސްޓް ގްރެޖުއޭޓް ފަސް ސްލޮޓް.މާކެޓިންގ އެންޑް ކޮމިޔުނިކޭޝަންސް ޑިރެކްޓަރ، ނިޒްލާ އަލީ ދީދީ
ވިލާ ކޮލެޖުން ޓޭލަރސް ޔުނިވަސިޓީއާ ގުޅިގެން ޕްރޮގްރާމްތައް ހިންގަނީ އެ ޔުނިވަސިޓީއަކީ ހޮސްޕިޓާލިޓީ ދާއިރާއިން ޓޮޕް 15 ޔުނިވަސިޓީގެ ތެރޭގައި ހިމެނޭ ޔުނިވަސިޓީއަކަށްވެފައި ވިލާ ކޮލެޖުން ފަތުރުވެރިކަމުގެ ދާއިރާއަށް ގިނަ އަދަދެއްގެ ކުދިން ނެރެދެމުންދާތީ ކަމަށް ނިޒްލާ ވިދާޅުވިއެވެ.
