ކ.ގުރައިދޫގަައި ބާއްވާ އެންމެ ބޮޑު ފުޓުބޯޅަ މުބާރާތް ކަމުގައިވާ ރައްޒާގުބެ މޯރިއަލް ކަޕްގައި ޓިމެލޯ ބަލިކޮށް އެންމެ ފަހުގެ ޗެމްޕިއަން އެކްސިޓޯ އަށް މުބާރާތުގެ ފެށުން ރަނގަޅުކޮށްފި އެވެ.
ބުދަ ދުވަހުގެ ހަވީރު ކުޅުނު މެޗު އެކްސިޓޯ އިން ކާމިޔާބު ކުރީ 2-1 އިންނެވެ. މެޗުގައި އެކްސިޓޯގެ ދެ ލަނޑު ޖެހީ އިޝާން ޢަބްދުﷲ އާއި އަލީ އިލްމާން އަޙުމަދު އެވެ. ޓިމެލޯގެ ހަމައެކަނި ލަނޑަކީ ލިބުނު ޕެނަލްޓީއެއްގައި އިމްހާދު ޢަބްދުލް ޤައްޔޫމް އެެވެ. މެޗުގެ މޮޅު ކުޅުންތެރިޔަކީ އެކްސިޓޯގެ އިޝްއާފް ޢަބްދުލް ޤައްޔޫމް އެވެ. މިއީ ގްރޫޕް ބީ ގައި ކުޅުނު ފުރަތަމަ މެޗެވެ. މި ދެ ޓީމުގެ އިތުރުން ދެން މި ގްރޫޕްގައި އޮތީ އޯލް އެޓޭކް އެވެ.
މުބާރާތުގައި ބުރާސްފަތި ދުވަހު އޮންނާނީ ކަންމަތި އެފްސީ އާއި ސިކްސް އެކްސް ބައްދަލު ކުރާ މެޗެވެ. ކަންމަތި އެފްސީ ކުޅުނު ފުރަތަމަ މެޗުން މޮޅުވީއިރު، ސިކްސް އެކްސްގެ ފުރަތަމަ މެޗުން ވަނީ ބަލިވެފަ އެވެ.
