ލޫކަސް ހަނާންޑޭޒްގެ އަންހެނުންގެ ރުޅި ފިރިމީހާގެ ލޯބިވެރިޔާ އަށް
ހަނާންޑޭޒް މިހާރު ލޯބިވަނީ ކްރިސްޓިއާނޯ ރޮނާލްޑޯގެ ކުރީގެ ލޯބިވެރިޔާދެކެ
ލޫކަސް ހަނާންޑޭޒް އާއި އަންހެނުން ބަޔާންގެ ދަނޑުގައި: 2 މީހުން ވަނީ މައްސަލަ ޖެހިފައި
ޖަރުމަނުގެ ބަޔާން މިއުނިކަށް ކުޅެމުން އަންނަ ފްރާންސްގެ ލޫކަސް ހަނާންޑޭޒްގެ އަންހެނުން ކުޅުންތެރިޔާގެ ލޯބިވެރިޔާ އަށް ރުޅިބާލައިފި އެވެ.
އިންސްޓަގްރާމުގައި ހަނާންޑޭޒްގެ އަންހެނުން އަމޭލިއާ ލޮރަންޓޯ ބުނެފައިވަނީ އޭނާގެ ފިރިމީހާ މިހާރު ގުޅިގެން އުޅެނީ ކްރިސްޓިއާނޯ ރޮނާލްޑޯގެ ކުރީގެ ލޯބިވެރިޔާ ކްރިސްޓީނާ ބުކީނޯއާ ކަމަށެވެ. ކްރިސްޓީނާ ޓެގްކޮށް މިކަން އިއުލާނުކުރަމުން އަމޭލިއާ ވަނީ ލޫކަސް ހަނާންޑޭޒަށް އިންޒާރެއް ވެސް ދީފަ އެވެ.
މި މެސެޖަށް ފަހު އޭނާ ވަނީ އިންސްޓަގްރާމުގައި ހަނާންޑޭޒާއެކު ހުރި ހުރިހާ ފޮޓޯތަކެއް ފޮހެލައިފަ އެވެ.
ފްރާންސްގެ ނޫސްތަކުން ބުނާ ގޮތުގައި އަންހެނުން އަމޭލިއާ އާއި ހަނާންޑޭޒް މިހާރު ވަނީ ވަކިވެފަ އެވެ. އަދި ދެ މީހުން އުޅެމުންދަނީ ވެސް ދެ ގެއެއްގަ އެވެ.
މިދިޔަ އަހަރުގެ ޑިސެމްބަރު މަހު ކުޅުނު ވޯލްޑްކަޕުގެ ފުރަތަމަ މެޗުގައި އަނިޔާވެގެން ބާލަން ޖެހުނުގޮތަށް ހަނާންޑޭޒް އަދި ކުޅެވޭވަރަށް ފިޓެއްނުވެ އެވެ.
