ރަންތާޖު ޤުރުއާން މުބާރާތުގެ ފަނޑިޔާރުންނާއި އޯގަނައިޒިންގ ޓީމަށް ސްކައިފޯލްގެ ފަރާތުން ރޯދަ ވީއްލުމެއް ދީފި
ރޯދަވީއްލުމުގެ ހުރިހާ އިންތިޒާމެއް ވެސް ވަރަށް ފުރިހަމަ
ރަންތާޖުގެ ފަނޑިޔާރުންނާއި ރަންތާޖުގެ އޯގަނައިޒިންގ ޓީމަށް ސްކައިފޯލް އިން ދިން ރޯދަ ވީއްލުން
ރަންތާޖު ޤުރުއާން މުބާރާތުގެ ފަނޑިޔާރުންނާއި ރަންތާޖުގެ އޯގަނައިޒިންގ ޓީމަށް ބޮޑުތަކުރުފާނު މަގު ބްރިޖް ވިއު ސަރަޙައްދުގައި 2021 ވަނަ އަހަރު ހުޅުވި ސްކައިފޯލް ރެސްޓޯރަންޓް އެންޑް ލައުންޖްގެ ފަރާތުން ރޯދަ ވީއްލުމެއް ދީފިއެވެ.
މި ރޯދަ ވީއްލުން ދީފައިވަނީ ރޯދަ މަހުގެ އެންމެ ފަހު ދުވަހުއެވެ. އެއީ 20 އޭޕްރިލްގައެވެ. ބުރާސްފަތި ދުވަހު ދިން މި ރޯދަވީއްލުމުގެ ހުރިހާ އިންތިޒާމެއް ވެސް ވަރަށް ފުރިހަމައެވެ.
ރަންތާޖުގެ އޯގައިނައިޒިންގ ޓީމުގައި ހިމެނެނީ ރާއްޖެޓީވީއާ ޔޫތް މިނިސްޓްރީއާ އިސްލާމިކް މިނިސްޓްރީގެ ފަރާތްތަކެވެ. މި މުބާރާތުގެ ބައިވެރިންނަށް ތަމްރީނު ދޭ ދެ ޓްރެއިނަރުން ވެސް ޓީމުގައި ހިމެނެއެވެ.
މުބާރާތުގެ ފައިނަލިސްޓުންގެ ކިޔެވުން މި މަހުގެ 28 ވަނަ ދުވަހުގެ ރޭ އޮންނާނެއެވެ. އަދި މި މަހުގެ 30 ވަނަ ދުވަހުގެ ރޭ ނަތީޖާ ފާޅުކުރުމުގެ ޖަލްސާ އޮންނާނެއެވެ.
މީގެ ކުރިން ރަންތާޖު މުބާރާތުގެ ބައިވެރިންނަށް ވެސް އެކި ފަރާތްތަކުން ވަނީ ރޯދަ ވީއްލުން ދީފައެވެ. ރަންތާޖު ޤުރުއާން މުބާރާތަކީ ރާއްޖެ ޓީވީ، މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓާއި އަދި އިސްލާމިކް މިނިސްޓްރީ ގުޅިގެން ކުރިއަށްގެންދާ މުބާރާތެކެވެ.
