އީދު ނަމާދު ޖަމާއަތުގައި ރައީސް ބައިވެރިވެވަޑައިގެންފި
21 އެޕްރީލު 2023 | ހުކުރު 05:41ރައީސް ވަނީ ފިތުރު އީދުގެ ތަހުނިޔާ ފޮނުއްވާފައި
ރައީސް އީދު ނަމާދަށް ވަޑައިގެންނެވުން
ބަރަކާތްތެރި ފިޠުރު ޢީދާ ގުޅިގެން އިސްލާމީ މަރުކަޒުގައި މިއަދު ހެނދުނު ކުރި ޢީދު ނަމާދުގެ ޖަމާޢަތުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ބައިވެރިވެވަޑައިގަންނަވައިފިއެވެ.
ޢީދު ނަމާދަށްފަހުގައި، ރައީސުލްޖުމްހުރިއްޔާ ވަނީ އިސްލާމީ މަރުކަޒަށް ޢީދު ނަމާދަށް ވަޑައިގެންނެވި ބައެއް ބޭފުޅުންނާ ޢީދު ސަލާމް ކުރައްވާފައެވެ.
ފިޠުރު ޢީދުގެ މުނާސަބަތުގައި ރައީސުލްޖުމްހޫރިއްޔާ ވަނީ ރާއްޖޭގެ ލޮބުވެތި ރައްޔިތުންނަށާއި، އިސްލާމީ ޤައުމުތަކުގެ ވެރިންނަށާއި އެންމެހައި މުސްލިމުންނަށާއި، އިސްލާމީ ޖަމްޢިއްޔާ ޖަމާޢަތްތަކުގެ ވެރިންނަށްވެސް، ފިޠުރު ޢީދުގެ ހެޔޮ އެދުމާއި ތަހުނިޔާ ފޮނުއްވާފައެވެ.
އަދި އީދު ދުވަހާއި ގުޅިގެން އެމަނިކުފާނު ވަނީ ރާއްޖޭގެ ރައްޔިތުންނަށް ތަހުނިޔާގެ ޚިޠާބެއް ފޮނުއްވާފައެވެ. މި ޚިޠާބުގައި ވަނީ ރޯދައިގެ އަޅުކަމުން ލިބިދިން ފިލާވަޅުތަކާއި އިހްސާސްތަކާއި ތަޖުރިބާތަކުގެ ބޭނުން ހިފުމަށް ވަރަށް އެކަށީގެންވާ ދުވަހެއް ކަމަށް ވިދާޅުވެފައެވެ.
