މާދާމާއިން ފެށިގެން ކުށާއި ދަރަނީގެ ރެކޯޑު ސާފު ކުރެވޭނީ އީދު ބަންދު ނިމުމުން
18 އެޕްރީލު 2023 | އަންގާރަ 07:28ރެކޯޑު ސާފުކުރުމަށް އެދި ހުށަހަޅުއްވާތާ 3 ދުވަހުގެ ތެރޭގައި ރެކޯޑު ސާފުކޮށްދޭން ޖެހޭ
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން
19 އޭޕްރީލް ވާ ބުދަ ދުވަހުން ފެށިގެން ކުށާއި ދަރަނީގެ ރެކޯޑު ސާފު ކުރެވޭނީ އީދު ބަންދު ނިމުމުންކަމަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ބުނެފިއެވެ.
ޝަރުޢީ ދާއިރާއިން ކުށާއި ދަރަނީގެ ރެކޯޑު ސާފުކުރުމަށް މިހާރު ހަމަޖެހިފައިވާ ގޮތުން ރެކޯޑު ސާފުކުރުމަށް އެދި ހުށަހަޅުއްވާތާ 3 ދުވަހުގެ ތެރޭގައި ރެކޯޑު ސާފުކޮށްދޭން ޖެހެއެވެ.
ޑީޖޭއޭއިން އަންގާރަ ދުވަހު ނެރުނު އިއުލާނެއްގައި ބުނީ، 19 އެޕްރީލް 2023 ގެ ފަހުން އެ ޑިޕާޓްމަންޓަށް ރެކޯޑު ސާފުކުރުމަށް ހުށަހަޅާ ފޯމުތަކުގެ ރެކޯޑު ސާފުކޮށްދެވޭނީ ފިޠުރު ޢީދާއި ގުޅިގެން އަންނަ ބަންދު ދުވަސްތައް ނިމި ސަރުކާރުގެ އޮފީސްތައް ހުޅުވުމުން ކަމަށެވެ.
މަރުކަޒީކޮށް ކުށުގެ ރެކޯޑު ބަލަހައްޓާނެ އިދާރާއަކަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން ކަނޑައަޅާފައިވާއިރު، މަރުކަޒީކޮށް ކުށުގެ ރެކޯޑު ބަލަހައްޓާނެ މިފަދަ އިދާރާއެއް ކަނޑައެޅިގެން ދިޔުމަކީ، ރާއްޖޭގެ ޖިނާއީ ޢަދުލުގެ ނިޒާމު ހަރުދަނާކަމާއެކު ހިންގުމަށް ކުރެވެމުންދާ މަސައްކަތުގައި އެޅިގެންދިޔަ މުހިންމު ފިޔަވަޅެކެވެ.
