ޕްރިމިއަމް ޚިދުމަތްތަކެއް ތައާރަފު ކުރުމަށް ވެމްކޯއިން ދަނީ ވިސްނަމުން
އަގުތަކަށް ގެނައި ބަދަލުތަކަކީ ވިޔަފާރީގެ އުސޫލުން ގެނައި ބަދަލުތަކެއް ނޫން
މާލޭގެ މަގުތައް ސާފުކުރުމުގައި ހަރަކާތްތެރިވާ އަންހެންކަނބަލުން މަގުމަތި ސާފުކުރުމުގައި
ޕްރިމިއަމް ޚިދުމަތްތަކެއް ތައާރަފު ކުރުމަށް އެ ކުންފުނިން ވިސްނާފައިވާ ކަމަށް ވެމްކޯގެ މެނޭޖިންގ ޑިރެކްޓަރު ޔޫސުފް ސިރާޖު ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމުގައި ސިރާޖު ވިދާޅުވީ، ޕްރިމިއަމް ޚިދުމަތްތަކެއް ތައާރަފު ކުރުމަށް އެ ކުންފުނިން ވިސްނާފައިވާ ކަމަށެވެ. އެކަމަށްޓަކައި އަގުތައް ހަމަޖެއްސުމަށް މިހާރު ޔުޓިލިޓީ ރެގިއުލޭޓަރީ އޮތޯރިޓީއާއެކު މަޝްވަރާތައް ކުރިއަށްދާކަމަށް އޭނާ ވިދާޅުވިއެވެ.
ސިރާޖު އިތުރަށް ވިދާޅުވީ މިހާރު ކުރިއަށްދާ މަޝްވަރާތަކަކީ ފަސޭހަގޮތެއްގައި އެ މަސައްކަތް ކުރެވިދާނެ ގޮތްތަކަކީ ކޮބައިތޯ ބެލުމަށް ކުރާ މަޝްވަރާއެއް ކަމަށާއި މިހާރުގެ އަގުތައް ކަނޑައެޅުމުގައި 6 މަސް ދުވަހު މަސައްކަތް ކުރެއްވި ކަމަށެވެ.
ވެމްކޯގެ ޚިދުމަތުގެ އަގަށް ބަދަލު ގެނައިނަމަވެސް، އެ ބަދަލުތަކަކީ ވިޔަފާރީގެ އުސޫލުން ގެނައި ބަދަލުތަކެއް ނޫންކަމަށް ސިރާޖު ވަނީ ވިދާޅުވެފައެވެ.
ސިރާޖު އިތުރަށް ވިދާޅުވީ، ޚިދުމަތުގެ އަގުތަކަށް ގެނެވުނު ބަދަލުތައް ތަންފީޒު ކުރުމުގައި ދުވަސްތަކެއް ހޭދަވެގެން ގޮސްފައިވާ ކަމަށެވެ. އެގޮތުން ޖެނުއަރީ ނުވަތަ ފެބްރުއަރީގައި ބަދަލުތައް ތަންފީޒު ކުރެވޭނެކަމަށް ބެލި ނަމަވެސް، އެކަން ކުރެވިފައިވަނީ މާރޗު މަހުގެ 20 ގައިކަމަށް ސިރާޖު ވިދާޅުވިއެވެ.
ވުމާއެކު، މިހާރުގެ ވިސްނުމަކީ ދެވަނަ ކުއާޓަރ ނިމެންވާއިރަށް މާލޭގެ ކުނީގެ ޙާލަތު ރަނގަޅު ކުރުމަށް މުހިންމު މަސައްކަތްތަކެއް ކުުރުންކަމަށް އޭނާ ވިދާޅުވިއެވެ.
