ކ އަތޮޅުން ވ އަތޮޅަށް ވައިޓް އެލަރޓް ނެރެފި
15 އެޕްރީލު 2023 | ހޮނިހިރު 08:32އެލަރޓުގެ މުއްދަތުގެ ތެރޭގައި ބޯކޮށް ވާރޭ ވެހުމާއެކު ގުގުރާނެ
ސިމާހާ ނަސީމް | 15 އެޕްރީލު 2023 | ހޮނިހިރު 08:32
މޫސުން ގޯސް ދުވަހެއް
ކ އަތޮޅުން ފެށިގެން ވ އަތޮޅާ ހަމައަށް ވައިޓް އެލަރޓް ނެރެފިއެވެ.
މޫސުމާބެހޭ ގައުމީ އިދާރާއިން މި އެލަރޓް ނެރެފައިވަނީ މިއަދު މެންދުރު 01:00ން ފެށިގެން އިރުއޮއްސި 18:00އާ ހަމައަށެވެ.
އެ އިދާރާއިން ބުނެފައިވާގޮތުގައި އެލަރޓުގެ މުއްދަތުގެ ތެރޭގައި ބޯކޮށް ވާރޭ ވެހުމާއެކު ގުގުރާނެކަމަށް ލަފާކުރެވެއެވެ.
މިއަހަރުގެ އެޕްރީލްގައި ގިނަ ހިސާބުތަކަށް ވާރޭ ވެހޭ މިންވަރު، މިދުވަސްވަރަށް އާންމުކޮށް ވެހޭވަރަށްވުރެ މަދުވާނެކަމަށް ބެލެވޭކަމަށް, މޫސުމާބެހޭ ގައުމީ އިދާރާއިން ބުނެފައިވެއެވެ.
