އައިޖީއެމްއެޗްގެ އީޕޯޓަލް އަލުން ބޭނުންކުރަން ފަށައިފި
އައިޑީ ކާޑު ނަންބަރު ޖަހައިގެން މި ޕޯޓަލްއަށް ވަދެވޭނެ
ތޯހިރާ އަޒްހާރް | 14 އެޕްރީލު 2023 | ހުކުރު 03:54
އައިޖީއެމްއެޗް
އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގެއީޕޯޓަލްއަލުން ބޭނުންކުރަން ފަށައިފިއެވެ.
މިދިޔަ އަހަރުގެ ކުރީކޮޅު މި ޕޯޓަލް ބޭނުންކުރުން ހުއްޓާލުމަށްފަހު މި ޕޯޓަލް އަލުން ބޭނުންކުރަން ފަށާފައިވާކަމަށް އެ ހޮސްޕިޓަލުން ބުނެފައިވަނީ ބުރާސްފަތި ދުވަހުއެވެ.
މިގޮތުން ދިވެހި ރައްޔިތެއްކަން އަންގައިދޭ ކާޑު ނަންބަރު ޖެހުމަށްފަހު މި ޕޯޓަލްއަށް ލޮގިން ކޮށްލެވޭނެ ކަމަށް އައިޖީއެމްއެޗްއިން ބުނެއެވެ.
މި ޕޯޓަލް މެދުވެރިކޮށް އެމީހެއްގެ މެޑިކަލް ރެކޯޑު ބަލާލެވުމާއި، ލެބް ރިޕޯޓުތައް ބަލާލެވުމާއި، ބޭސް ސިޓީ ނެގިގެންދާނެ ކަމަށް އައިޖީއެމްއެޗްއިން ބުނެއެވެ.
އައިޖީއެމްއެޗުން ބުނީ މިކަމުގެ ސަބަބުން ބަލިމީހުންނަށް ލުއިފަސޭހަކަން ލިބިގެންދާނެކަމަށް ގަބޫލުކުރާ ކަމަށެވެ.
