ރާއްޖޭގެ ކޮންމެ ރަށެއްގެ ދިޔަވަރު ވަކި ވަކިން ބަލާލެވޭގޮތަށް ވެބްސައިޓެއް ލޯންޗުކޮށްފިއެވެ.

މޯލްޑިވްސް ޓައިޑްސްގެ ނަމުގައި މި ވެބްސައިޓް އުފެއްދީ މޯލްޑިވްސް ސްޕޭސް ރިސަރޗް އޯގަނައިޒޭޝަނާ ގުޅިގެން ރާއްޖޭގެ ކޯސްޓަލް އިންޖިނިއަރެއް ކަމަށްވާ ޑރ. ނަޝްވާން މަތީނެވެ.

މި ވެބްސައިޓް މެދުވެރިކޮށް ފަސޭހަކަމާއެކު ކޮންމެ ރަށެއްގެ ދިޔަވަރު ހުރި މިންވަރު ބަލާލެވެއެވެ. އަދި ކުރިއަށް ހުރި ވަގުތުތަކުގައި ދިޔަވަރު ހުންނާނެ މިންވަރު ލަފާކުރެއެވެ.

މިއީ ރާއްޖޭގެ އެކި ކަންކޮޅުތަކުގައި ދިޔަވަރު ހުރި ގޮތް ބެލުމަށް އިތުރު ފަސޭހައަކަށްވާނެ ކަމަށް ޑރ. ނަޝްވާން ބުނެފައިވެއެވެ.