ގުޅީ ކައުންސިލް ރައީސް އެމްޑީޕީއަށް
11 އެޕްރީލު 2023 | އަންގާރަ 03:46އޭނާ ސޮއިކުރެއްވީ ގުޅިއަށް މި ސަރުކާރުން ގިނަ ކަންކަން ކޮށްދީފައިވުމުން ކަމަށް ވިދާޅުވި
ގުޅީ ކައުންސިލް ރައީސް އެމްޑީޕީއަށް ސޮއިކުރެއްވުން
ކ. ގުޅީ ކައުންސިލްގެ ރައީސް މޫސާ ސަފީލް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އަށް ސޮއި ކުރައްވައިފިއެވެ.
މޫސަ އެމްޑީޕީއާ ގުޅިވަޑައިގަތީ ހޯމަ ދުވަހުއެވެ. އެގޮތުން ގުރައިދޫ ދާއިރާގެ ބައި އިލެކްޝަންގެ ކެމްޕޭނަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހު އާއި އެމްޑީޕީގެ ޗެއަރޕާސަން ފައްޔާޒު އިސްމާއީލް ހިމެނޭހެން އެ ޕާޓީގެ ޓީމެއްް އެ ރަށަށް ޒިޔާރަތް ކުރެއްވުމުން މޫސަ ވަނީ އެމްޑީޕީއަށް ސޮއި ކުރައްވާފައެވެ.
އޭނާ ވިދާޅުވި ގޮތުގައި އެމްޑީޕީއާ ގުޅިވަޑައިގަތީ ކުރީ ސަރުކާރުތަކުން ގުޅި ބޭކާރު ކޮށްލާފައި އޮތްއޮތުން މި ސަރުކާރުން ނިމުމަކަށް ގެނެސްފައިވާތީއެވެ.
މޫސާއަށް މަރުހަބާ ވިދާޅުވެ ރައީސް ވިދާޅުވީ ގުޅީ ރައީސް އެމްޑީޕީއާ ގުޅިވަޑައިގަތުމަކީ އުފާވެރިކަމެއް ކަމަށެވެ. އަދި ރަށުގެ ތަރައްގީއަށް ޓަކައި ސަރުކާރުން ކުރަމުން ގެންދާ ކަންތައްތައް މިހާރަށް ވުރެ ބޮޑަށް ކައުންސިލުން ސަރުކާރާއެކު މަސައްކަތް ކުރަމުންގެންދާނެ ކަމަށް އުންމީދު ކުރައްވާ ކަމަށް ވެސް އެމަނިކުފާނު ވިދާޅުވިއެވެ.
