ފީފާގެ ނާއިބް ރައީސަކަށް ފުރަތަމަ ފަހަރަށް އަންހެނަކު އިންތިހާބުކޮށްފި އެވެ.

މި މަގާމަށް އިންތިހާބު ކުރީ އިނގިރޭސި ފުޓްބޯޅަ އެސޯސިއޭޝަނުގެ ޗެއާމަން ޑެބީ ހެވިޓް އެވެ. އެއީ ޕޯޗުގަލްގެ ލިޒްބަންގައި ނިމިގެންދިޔަ ޔޫއޭފާގެ ކޮންގްރެސްގައި ނެގި ވޯޓު ކާމިޔާބުކޮށްގެންނެވެ. ޔުނައިޓެޑް ކިންގްޑަމް ތަމްސިލުކުރާ ނައިބް ރައީސަކަށްވުމަށް އޭނާއާ ވާދަކުރީ ނޮދަން އަޔަލޭންޑްގެ ޑޭވިޑް މާޓިން އެވެ.

ފުރަތަމަ އަންހެން ނައިބް ރައީސަކަށްވުމުން ހެވިޓް ބުނީ މިއީ އޭނާ އުއްމީދުކުރި މަގާމެއްނޫން ކަމަށާއި ނަމަވެސް އަބަދުވެސް އެހެން މީހުންނަށް ނަމޫނާ ދެއްކުމަށް މަސައްކަތް ކުރާ ކަމަށެވެ.