ރަމަޟާން ކްރިކެޓް ކާނިވަލްގައި ހިމެނޭ އޯޕަން ޓޭޕްބޯލް މުބާރާތުގައި މީޓިއޯސް ކުޅުނު ދެވަނަ މެޗުވެސް ކާމިޔާބުކޮށްފިއެވެ.

މީޓިއޯސް ދެވަނަ މެޗު ކާމިޔާބުކުރީ ޕޮލިސް ކްލަބާ ވާދަކޮށް 37 ލަނޑުންނެވެ. މެޗުގައި މީޓިއޯސް ކުޅެންއަރާ އަށް އޯވަރުގެ ތެރޭގައި ހަ ކުޅުންތެރިން ނުބައިވިއިރު 122 ލަނޑު ހެދިއެވެ. ޕޮލިސް ކްލަބަށް އަށް އޯވަރުގެ ތެރޭގައި ފަސް ކުޅުންތެރިން ނުބައިވިއިރު ހެދުނީ 85 ލަނޑެވެ. ޕޮލިސް ވަނީ ފުރަތަމަ މެޗުންވެސް ބަލިވެފައެވެ.

މުބާރާތުގައި ސުގަރ ކޯން ވަނީ ފުރަތަމަ މޮޅު ހޯދާފައެވެ. މޮޅު ހޯދީ ހަ ލަނޑުން ވާރު ބަލިކޮށްގެންނެވެ. ސުގަރ ކޯންއިން ވަނީ އަށް އޯވަރުގެ ތެރޭގައި ތިން ކުޅުންތެރިން ނުބައިވިިއިރު 89 ލަނޑު ހަދާފައެވެ. ވާރަށް އަށް އޯވަރުގެ ތެރޭގައި ފަސް ކުޅުންތެރިން ނުބައިވިއިރު ހެދުނީ 83 ލަނޑެވެ. ވާރު ފުރަތަމަ މެޗު ކާމިޔާބުކުރިއެވެ.