ބެލްޖިއަމްއިން ޖަރމަނީ ބަލިކޮށް ތާރީޚީ މޮޅެއް!

ބެލްޖިއަމްއިން ޖަރމަނީ ބަލިކޮށް, ތާރީޚީ މޮޅެއް ހޯދައިފިއެވެ.

ބައިނަލްއަޤްވާމީ ރަހުމަތްތެރިކަމުގެ މެޗެއްގައި ބެލްޖިއަމްއިން މިހޯދި މޮޅަކީ 69 އަހަރުގެ ތެރޭގައި ޖަރމަނީ އަތުން ހޯދި ފުރަތަމަ މޮޅެވެ. މެޗު ބެލްޖިއަމްއިން ކާމިޔާބުކުރީ 3-2 ނެވެ. މެޗުގައި ފުރަތަމަ ލަނޑުޖަހާ ބެލްޖިއަމްއަށް ކުރިހޯދައިދިނީ ހަވަނަ މިނިޓްގައި ޔަނިކް ކަރާސްކޯއެވެ. އޭގެ ދެމިނިޓްފަހުން ޑި ބުރޭނާ ތަނަވަސްކޮށްދިން ފުރުޞަތަކުން ލުކާކޫ ދެވަނަ ލަނޑު ޖެހިއެވެ. އެކަމަކު ފުރަތަމަ ހާފްގެ ފަހު މިނިޓްގައި ނިކްލަސް ފުލްކްރޫގް ލަނޑެއްޖަހާ ޖަރމަނީއަށް އުއްމީދެއް ހޯދައިދިނެވެ. އެއީ ލުކާކޫ އަތުގައި ބޯޅަ ޖެހުމުން ދިން ޕެނަލްޓީއަކުން ޖެހި ލަނޑެކެވެ. އެއުއްމީދަށް ހިޔަނި އެޅީ ދެވަނަ ހާފްގައި ކެވިން ޑެ ބުރޭނާއެވެ. އެކަމަކު ހިތްވަރުކޮށް ޖަރމަނީ އިތުރު ލަނޑެއް ޖަހާ ފަރަގު ކުޑަކުރިއެވެ. ޖަރމަނީގެ ދެވަނަ ލަނޑުޖެހީ ސާޖް ގްނާބްރީއެވެ.

މިއީ ބެލްޖިއަމްގެ އާ ކޯޗު ޑޮމެނިކޯ ޓެޑެސްކޯގެ އިރުޝާދުގެ ދަށުން ހޯދި ދެވަނަ މޮޅެވެ. ވަރލްޑްކަޕަށްފަހު ޓީމާ ހަވާލުވި ކޯޗުގެ އިރުޝާދުގެ ދަށުން ކުޅުނީވެސް ދެމެޗެވެ. ފުރަތަމަ މެޗަކީ މިހަފްތާގައި ކުޅުނު ޔޫރޯ ކޮލިފައިންގ މެޗެވެ. އެމެޗު ސްވިޑުން އަތުން މޮޅުވީ ލުކަކޫގެ ހެޓްރިކުންނެވެ.