ކ. މާލެ
|
22 މާރޗް 2023 | ބުދަ 10:28
ސްޕެއިންގެ ގޯލް ކީޕަރު ކެޕާ
ސްޕެއިންގެ ގޯލް ކީޕަރު ކެޕާ
ޓްވީޓަރ
ސްޕެއިންގެ ޤައުމީ ޓީމު
ސްޕެއިންގެ ސްކޮޑުގައި ހިމެނުމާއެކު ކެޕާ އަށް ބޮޑު އުފަލެއް
 
ކެޕާ ބުނީ އޭނާ އައީ ލިބެމުން އައި ފުރުސަތުތަކުގެ ބޭނުން ހިފަމުން، ކުރިއަށް ދިޔުމުގެ އަޒުމުގައި ކަމަށް

ސްޕެއިންގެ ޤައުމީ ފުޓުބޯޅަ ޓީމުގެ ސްކޮޑުގައި ހިމެނުމަކީ ލިބުނު ވަރަށް ބޮޑު އުފަލެއް ކަމަށް ކެޕާ ބުނެފި އެވެ.

އިނގިރޭސި ޕްރިމިއާ ލީގުގެ ޗެލްސީގެ ގޯލް ބަލަހައްޓަމުން އަންނަ އުމުރުން 28 އަހަރުގެ ކެޕާ އަށް ސްޕެއިންގެ ޤައުމީ ޓީމުން ޖާގަ ލިބުނީ މެދު ކެނޑުމަކަށްފަހު އެވެ. އެންމެ ފަހުން މިދިޔަ އަހަރު ޤަތަރުގައި އޮތް ފީފާ ވޯލްޑް ކަޕް މުބާރާތަށް ސްޕެއިން އިން އެކުލަވާލި ސްކޮޑުން ކެޕާ އަށް ޖާގަ ލިބިފައެއް ނުވެ އެވެ. ކެޕާ އަށް އަލުން ސްޕެއިންގެ ސްކޮޑުން ޖާގަ ލިބުނީ އައު ކޯޗު ލުއިސް ޑެ ލާ ފުއެންޓޭ ޓީމާ ހަވާލުވި ފަހުންނެވެ. އެކަމާ ގުޅިގެން ކެޕާ ބުނީ، އޭނާ ހޭދަ ކުރަން ޖެހުނީ ވަރަށް ދަތި، އުނދަގޫ ދުވަސްތަކެއް ކަމަށެވެ. އޭނާ ބުނީ ތަފާތު ގޮތްގޮތަށް ފުޓުބޯޅަ ތަޖުރިބާ ކުރަން ޖެހުނު ކަމަށާއި، އެ ހާލަތަށް ހޭނިގެން ކުރިއަށް ދާން ޖެހުނު ކަމަށެވެ. ކެޕާ ބުނީ އޭނާ އައީ ލިބެމުން އައި ފުރުސަތުތަކުގެ ބޭނުން ހިފަމުން، ކުރިއަށް ދިޔުމުގެ އަޒުމުގައި ކަމަށެވެ. އައު ކޯޗާ ގުޅޭ ގޮތުން ކެޕާ ބުނީ، ޓީމުގެ އެންމެހާ ކުުޅުންތެރިންގެ އަޒުމަކަށް ވާން ޖެހޭނީ އައު ކޯޗު ބޭނުންވާ ގޮތަށް ޓީމު ގެންދިޔުމަށް ކަމަށެވެ. އެކަމުގައި ޑިފެންސްގައި ތިބޭ ކުޅުންތެރިންނާއި، ޚާއްސަކޮށް ގޯލް ކީޕަރުންގެ ދައުރު ވަރަށް ބޮޑު ވާނެ ކަމަށް ކެޕާ ބުންޏެވެ. އިތުރަށް ކެޕާ ބުނީ ސްކޮޑުގައި ހިމެނުމާއެކު ދެން ބޭނުންވަނީ މެޗުތައް ކުޅެން ކަމަށާއި. ނަމަވެސް އެކަން ނިންމާނީ ކޯޗު ކަމަށެވެ. އޭނާ ބުނީ ޓީމުގެ ފުރަތަމަ 11 ގައި ހިމެނިގެން ކުޅޭނީ ކޮން ކުޅުންތެރިންނެއްތޯ ކަނޑައަޅާނީ ކޯޗު ކަމަށެވެ.

ކެޕާ އަށް ސްޕެއިންގެ ޤައުމީ ޓީމުން އެންމެ ފުރަތަމަ ޖާގަ ލިބުނީ 2017 ވަނަ އަހަރު އެވެ. މިހާތަނަށް އޭނާ ވަނީ ޤައުމީ ޓީމަށް 11 މެޗެއް ކުޅެދީފަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް