މި އަހަރުގެ މޯލްޑިވްސް ސްޕޯޓްސް އެވޯޑްސްއާ ގުޅުވައި ޔޫތު މިނިސްޓްރީން ކުޑަކުދިންގެ ހަވީރަކާއި މިއުޒިކު ޝޯވ އެއް ބާއްވަން ނިންމައި އެހަރަކާތް ފަށައިފިއެވެ.
އެ މިނިސްޓްރީން ބުނީ ހޮނިހިރު އަދި އާދީއްތަ ދުވަހު މި ހަރަކާތްތައް ކުރިއަށް ގެންދާނީ ކުޅިވަރު އެކުވެނީގައި ކަމަށެވެ. ސްޕޯޓްސް އެވޯޑާ ގުޅިގެން ހޮނިހިރު ދުވަހު ހަވީރު 4:00 އިން 6:00 އަށް ކުޑަކުދިންގެ ހަވީރެއް ވަނީ ބާއްވައިފައެވެ. އެ ކުޑަކުދިންގެ ހަވީރުގައި ގިނަ ކުދިންތަކެއް ވަނީ ބައިވެރިވެފައެވެ. އަދި އާދީއްތަ ދުވަހު ވެސް ހަމަ އެ ވަގުތު ކުޑަކުދިންގެ ހަވީރު ކުރިއަށް ގެންދާނެ ކަމަށް މިނިސްޓްރީން ބުނެއެވެ.
ކުޑަކުދިންގެ ހަވީރުގައި ކުޑަކުދިންނާ ގުޅޭ އެކި ކުޅިވަރުތަކާއި ހަރަކާތްތައް ހިމެނެއެވެ. އަދި ފުލުހުންނާއި، ސިފައިން ގެ އިތުރުން އެމްއޭސީއެލްގެ ހާއްސަ ސްޓޯލްތަކެއް ވެސް މި ހަވީރުގައި ހުންނާނެކަމަށް މިނިސްޓްރީން ބުނެއެވެ.
ސްޕޯޓްސް އެވޯޑާ ގުޅިގެން ބާއްވާ މިއުޒިކް ޝޯވ ވެސް ހޮނިހިރު އަދި އާދީއްތަ ދުވަހުގެ ރޭ ކުރިިއަށްދާނެ ކަމަށް ޔޫތު މިނިސްޓްރީން ބުނެއެވެ. އަދި މި މިއުޒިކް ޝޯގައި ރާއްޖޭގެ ފުންނާބު އުސް އެކި ބޭންޑުތަަކާއި ފަންނާނުންގެ ހުނަރު ފެންނާނެކަމަށް ވެސް އެ މިނިސްޓްރީން ބުނެއެވެ.
މި ދެ ހަރަކާތް ވެސް ކުރިއަށް ގެންދަނީ އާންމުންނަށް ހުޅުވައިލައިގެންނެވެ.
