ކޯޓްތަކުގެ ފަނޑިޔާރުންނަށް މިނިސްޓަރު ޝައިނީ ނުފޫޒް ފޯރުވާ ކަމުގެ ތުހުމަތު ކުރޭ
ފިޝަރީޒް މިނިސްޓަރު ޑރ. މުހައްމަދު ޝައިނީ
ފިޝަރީޒް މިނިސްޓަރު ޑރ. މުހައްމަދު ޝައިނީގެ މައްޗަށް 11 އަހަރުގެ ހކުމެއް އަންނަވަރުގެ ދައުވާއެއް ކުރެވިދާނެ ކަމަށް ކުރީގެ ބަންޑާރަ ނައިބު އަދި މަޝްހޫރު ގާނޫނީ ވަކީލް ހުސްނު ސުއޫދު ވިދާޅުވެއްޖެއެވެ.
ސޫދު ކުރެއްވި ޓްވީޓެއްގައި ވިދާޅުވީ މަގާމުގެ ނުފޫޒް ބޭނުންކުރާ ކަމުގެ ދައުވާ ޑރ. ޝައިނީގެ މައްޗަށް އުފުލިދާނެ ކަމަށެވެ. އަދި އެފަދަ ދައުވާއެއް ޑރ. ޝައިނީގެ މައްޗަށް ސާބިތުވެއްޖެ ނަމަ އަދަބެއްގެ ގޮތުގައި އަންނާނީ 11 އަހަރާއި އަށް މަސް ދުވަހުގެ ހުކުމެއް ކަމަށް ސުއޫދު ވިދާޅުވިއެވެ.
ރާއްޖެއެމްވީ އަށް މައުލޫމާތު ދެއްވަމުން ސުއޫދު ވިދާޅުވީ އެގޮތަށް ޓްވީޓް ކުރެއްވީ މިނިސްޓަރު ޝައިނީ މަގާމުގެ ނުފޫޒް ބޭނުން ކުރައްވާ ކަމުގެ ތުހުމަތު ރައްޔިތުންގެ މަޖިލީހުގެ ބައެއް މެމްބަރުން ޑރ. ޝައިނީގެ މައްޗަށް ކުރައްވާތީ ކަމަށެވެ. އެގޮތުން ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފް އެފަދަ ގޮތަކަށް ޓްވީޓް ކުރައްވާފައިވާކަން ސުއޫދު ފާހަގަ ކުރެއްވިއެވެ.
ޑރ. ޝައިނީއާ ގުޅޭ ގޮތުން މަހުލޫފް ކުރެއްވި ޓްވީޓެއްގައި ވިދާޅުވެފައި ވަނީ ފިޝަރީޒް މިނިސްޓަރު ޝައިނީ ކްރިމިނަލް ކޯޓުގެ އިސް ގާޒީ އަބްދުލް ބާރީ ޔޫސުފްއާ ބައްދަލު ކުރައްވާ ކަމަށެވެ.
އެގޮތުން ކޮމިޝަނާ އޮފް ޕޮލިސް އަހުމަދު އަރީފް ބެއްލެވުމުގެ ދަށުން ރައްޔިތުންގެ މަޖިލީހުގެ މެމްބަރުންގެ މައްސަލަތައް ކުރިއަށް ގެންދާ ކަމަށް މަހްލޫފް ވަނީ ތުހުމަތު ކުރައްވާފައެވެ. ނަމަވެސް މި ތުހުމަތުތައް މިނިސްޓަރު ޝައިނީ ދޮގުކުރައްވައެވެ.
