މޯލްޑިވްސް ސްޕޯޓްސް އެވޯޑްސްގެ އެންމެ މޮޅު ފުޓްބޯޅަ ކުޅުންތެރިޔާގެ މަގާމަށް ވާދަކުރާ ގަދަ 3 ކުޅުންތެރިން އިއުލާނުކޮށްފި އެވެ.
މި ތިން ކުޅުންތެރިންނަކީ ކްލަބް އީގަލްސްގެ ހަސަން ރާއިފް އަހުމަދު (ހަންނަ) އާއި މާޒިޔާ ސްޕޯޓްސް އެންޑް ރެކްރިއޭޝަންގެ ހަމްޒާ މުހައްމަދު (ހަމްޕު) އާއި އައިސަމް އިބްރާހީމް އެވެ. މީގެ ތެރެއިން 2021 ވަަނަ އަހަރުގެ މޮޅު ކުޅުންތެރިއަކީ ހަމްޕު އެވެ.
މީގެ ތެރެއިން ހަމްޕު އާއި އައިސަމް ވަނީ މާޒިޔާގައި ރަނގަޅު ކުޅުމެއް ދައްކައި ޗެރިޓީ ޝީލްޑާއި އެފްއޭކަޕް އަދި ދިވެހި ޕްރެމިއާ ލީގު ކާމިޔާބުކޮށްފަ އެވެ.
މޮޅު ކުޅުންތެރިޔާގެ މަގާމު އިއުލާނުކުރާނީ ބުރާސްފަތު ދުވަހުގެ ރޭ ބާއްވާ ސްޕޯޓްސް އެވޯޑްސް ހަފުލާގަ އެވެ. މި ހަފުލާގައި ކުޅިވަރުގެ ބައިނަލްއަގްވާމީ ތަރިން ބައިވެރިވާނެ ކަމަށް ކުޅިވަރާ ބެހޭ މިނިސްޓްރީން ބުނެ އެވެ. އަދި މިނިސްޓްރީން ދަނީ އެކިއެކި ކުޅިވަރުތަކުން އެންމެ މޮޅު ތިން ކުޅުންތެރިން ޝޯޓްލިސްޓްކޮށް އިއުލާނުކުރަން ފަށައިފަ އެވެ.
