އެހީއަށް ބޭނުންވާ 300 އާއިލާއަށް ޞަދަގާތްކުރުމުގެ ފުރުސަތު ހުޅުވައިލައިފި
12 މާރިޗު 2023 | އާދީއްތަ 06:37މީގެ ކުރިން ވެސް މި ޖަމިއްޔާއިން ވަނީ އެތައް އާއިލާއަކަށް އެހީވެފައި
މޮމްސް ޖަމިއްޔާއިން މީގެ ކުރިން އެހީވި އާއިލާއެެއް
އެހީއަށް ބޭނުންވާ 300 އާއިލާއަކަށް ޞަދަގާތްކުރުމުގެ ފުރުސަތު ހުޅުވައިލައިފިއެވެ.
މަންމައިންގެ ކުރިއެރުމަށް މަސައްކަތްކުރާ ޖަމިއްޔާ "މޮމްސް" އިން ބުނި ގޮތުގައި އެ ޖަމިއްޔާގެ ކެެއާ ލިސްޓުގައި ރާއްޖޭގެ އެކި ކަންކޮޅުތަކުން 300އަށްވުރެ ގިނަ އާއިލާ މި އަހަރު ވަނީ ރަޖިސްޓްރީ ކުރެވިފައެވެ. އެ އާއިލާތަކުގެ ތެރޭގައި އެކަނިވެރި މައިންނާއި ބަފައިން، ހާއްސަ އެހީއަށް ބޭނުންވާ ކުދިންނާއި ޔަތީމު ކުދިން އަދި ބޮޑެތި ބަލިތަކަށް ފަރުވާ ކުރަމުންދާ ފަރާތްތައް ހިމެނޭކަމަށް އެ ޖަމިއްޔާއިން ބުނެއެވެ.
އެ ޖަމިއްޔާއިން އެހީގެ މި ޕެކޭޖްތައް ބަހައިލައިފައި ވަނީ ހަތަރު ބަޔަކަށެވެ. އެއިން ކޮންމެ ޕެކޭޖަކުން ވެސް، އާއިލާތަކުން ރޯދަ ވީއްލުމަށް އެހީ ފޯރުކޮށްދެވޭނެ އެވެ.
ރޯދަ މަހު ނިކަމެތި އާއިލާތަކަށް އެހީ ފޯރުކޮށްދިނުމަށް ފައިސާ ޖަމާކުރަން ޖެހެނީ:
7730000294482 ރުފިޔާ އެކައުންޓް (މަމްސް)
7730000294483 ޑޮލަރު އެކައުންޓު
މޮމްސް ޖަމިއްޔާއިން މީގެ ކުރިން ވެސް ވަނީ ދަތިހާލުގައި އުޅޭ ގިނަ އާއިލާތަކަކަށް އެހީތެރިވެފައެވެ. އެ ގޮތުން އެ ޖަމިއްޔާގެ ބޮޑެތި ޕްރޮޖެކްޓުތަކުގެ ތެރޭގައި ތިން އާއިލާއަކަށް ގެ އަޅައިދީ ދިރިއުޅުމުގެ ހާލަތު ވަނީ ރަނގަޅުކޮށްދީފައެވެ.
