އާގަލާ ބޯޓުން ގެއްލުނު ފަޅުވެރިޔާ ހޯދަން 1،342 އަކަމީޓަރު ބަލައިފި
މި ހާދިސާ ހިނގި އިރު ބޯޓުގައި 15 މީހުން ތިބި
އާގަލާ ބޯޓުގައި ރޯވި ހާދިސާ
އާގަލާ ބޯޓުން ގެއްލުނު ފަޅުވެރިޔާ ހޯދަން 1،342 އަަކަމީޓަރު ބަލައިފައިވާކަމަށް އެމްއެންޑީއެފުން ބުނެފިއެވެ.
އައްޑޫން ފުރައިގެން މާލެއަށް ދަތުރުކުރަމުންދިޔަ އާގަލާ ބޯޓުގައި އަލިފާނުގެ ހާދިސާއެއް ހިނގީ މިދިޔަ އާދީއްތަ ދުވަހުގެ ރޭގައެވެ. އެ ބޯޓުގެ އިންޖީނު ކޮޓަރީގައި ފުރަތަމަ އަލިފާން ހިފައި މުޅި ބޯޓު އަނދައި ހުލިވިއިރު އަދިވެސް އަލިފާން ރޯވި ސަބަބެއް ނޭނގެއެވެ.
އަލިފާން ރޯވި އިރު އެ ބޯޓުގައި 15 މީހަކު ތިއްބެވެ. އެއީ ފަސް ދިވެހީންނާއި އިންޑިއާގެ ފަސް މީހުންނާއި ބަންގްލަދޭޝް ފަސްމީހުންނެވެ. އެ މީހުންގެ ތެރެއިން 14 މީހަކު ސަލާމަތްވިއިރު ގެއްލުނީ އިންޑިއާއަށް ނިސްބަތްވާ އެ ބޯޓުގެ ފަޅުވެރިއެކެވެ.
އަލިފާން ރޯވުމުން ސަލާމަތްވާ ބޯޓުގައި ތިބި އެންމެން ވެސް ބޯޓު ދޫކޮށްލައި ފުއްމާލީ ކަނޑަށެވެ. އެ ބޯޓުން ސަލާމަތްވި މީހުން ބުނާ ގޮތުގައި އިންޑިއާގެ އެ މީހާ ވެސް މޫދަށް ފޭބިކަން ޔަގީނެވެ. އަދި ފޭބި ފަހުން ވެސް އޭނާ ވާހަކަ ދެއްކިއެވެ. ނަމަވެސް ފަހުން ވީ ގޮތެއް ނޭނގެއެވެ.
