ކުޅިވަރު
ގޯލްޑަން ފުޓްސަލް ޗެލެންޖް
ޒޯން ފަހެއްގެ ޗެމްޕިއަންކަން ހޯދީ ކުޑަހުވަދޫ
ފައިނަލްގައި ވާދަކުރީ ތިމަރަފުށްޓާ
ޙަފްޞީ ޢަބްދުالله, ރާއްޖެ އެމްވީ | 7 މާރިޗު 2023 | އަންގާރަ 03:23
ޒޯން ފަހެއްގެ ޗެމްޕިއަން ކުޑަހުވަދޫ
ސޮނީ ސްޕޯރޓްސް ގޯލްޑަން ފުޓްސަލް ޗެލެންޖްގެ ޒޯން ފަހެއްގެ ޗެމްޕިއަންކަން ދ.ކުޑަހުވަދޫން ހޯދައިފިއެވެ.
ކުޑަހުވަދޫން ޗެމްޕިއަންކަން ހޯދީ ފައިނަލްގައި ތިމަރަފުށި ބަލިކޮށްގެންނެވެ. ފުރަތަމަ ގޯލް ޖަހާ ތިމަރަފުށިން ކުރި ހޯދާފައިވަނިކޮށް, ކުޑަހުވަދޫން ވަނީ ފަހަތުން އަރާ ދެ ގޯލް ޖަހައިގެން ޗެމްޕިއަންކަން ހޯދާފައެވެ. ތިމަރަފުށްޓަށް މެޗުގައި ކުރި ހޯދައިދިނީ އިބްރާހީމް ހަމްދާންއެވެ. މެޗުގެ ތަރިއަކީ ކުޑަހުވަދޫއަށް ދެ ގޯލްވެސް ޖަހައިދިން ހާރޫން އިބްރާހީމްއެވެ. ފައިނަލް މެޗުގެ މޮޅު ކުޅުންތެރިއަކީވެސް އޭނާއެވެ.
ޒޯން ފަހެއްގެ މޮޅު ކުޅުންތެރިއަކީ ކުޑަހުވަދޫގެ ޖުމެއިލް ޖަމީލްއެވެ. ރަންބޫޓް ހޯދީ ތިމަރަފުށީގެ އިބްރާހީމް ހަމްދާންއެވެ.
