މާލެއަށް ދަތުރުކުރި ބޯޓެއްގައި ރޯވެ، އެކަކު ގެއްލިގެން ހޯދަނީ
6 މާރިޗު 2023 | ހޯމަ 02:07ބޯޓްގައި އެވަގުތު 15 މީހުން ތިބި
އަލިފާން ރޯވި ބޯޓު އޮތްތަން
މާލެ ދަތުކުރަމުންދިޔަ ބޯޓެއްގައި އަލިފާން ރޯވެ އެކަކު ގެއްލިގެން ހޯދަން ފަށައިފިއެވެ.
އެމްއެެންޑީއެފް އިން މައުލޫމާތު ދޭ ގޮތުގައި ރޭ ދަންވަރު ހިނގި މި ހާދިސާގައި އަލިފާން ރޯވެފައިވަނީ "އާގަލާ" ކިޔާ ބޯޓެއްގައެވެ. މި ބޯޓްގައި އަލިފާން ރޯވުމާ އެކު އޭގައި ތިބި އެންމެން ވަނީ ކަނޑަށް ފުންމާލާފައެވެ.
މި ބޯޓުގައި އެވަގުތު 15 މީހުން ތިބި ކަމަށާއި އެގެތެރޭގައި ހިމެނެނީ 5 ދިވެހިންނާއި އިންޑިއާ 5 މީހަކާއި ބަންގްލަދޭޝްގެ 5 މީހުންކަމަށްވެސް އެމްއެންޑީއެފުން ބުންޏެވެ.
ބޯޓު ހޯދުމުގެ މަސައްކަތް ސެންޓަރަލް އެރިއާގެ ސިފައިން ކުރަމުން ދަނިކޮށް ބޯޓު ލޮކޭޓް ކުރެވިފައިވާކަމަށާއި ކަނޑުވި ތެރެއިން 14 މީހަކު ފެނިފައިވާކަމަށްވެސް އެމްއެންޑީއެފުން ބުންޏެވެ. މިހާތަނަށް ނުފެނި ގެއްލިގެން ހޯދަމުން އަންނަނީ އިންޑިއާ މީހެއްކަމަށާއި އެމީހާ އަދިވެސް ފެނިފައި ނުވާކަމަށް ބުންޏެވެ.
މި ބޯޓުގައި އަލިފާނުގެ ހާދިސާ ހިނގައިގެން އެކަން އެމްއެންޑީއެފަށް ރިޕޯޓްކޮށްފައިވަނީ ރޭ ދަންވަރު 02:47 އެހާކަންހާއިރުއެވެ.
ކަނޑުވި މީހުން ހޯދާ އެމީހުން ނަގާފައިވަނީ ފަތިހު 4 ޖެހި ފަހުންނެވެ.
