އެމްއެންޑީއެފުން ފުވައްމުލަކު ސްކޫލުގެ ކެޑޭޓުުންނަށް ހުވާ ލައިދީ ހަތިޔާރު ހަވާލުކޮށްފި

ފުވައްމުލަށް އަތޮޅު އެޑިއުކޭޝަން ސެންޓަރުގެ ކެޑޭޓުންނަށް ހުވާ ލައިދީ، ހަތިޔާރު ހަވާލުކޮށްފިއެވެ.

މާރިޗު 3 ވަނަ ދުވަހު ފުވައްމުލަށް އަތޮޅު އެޑިއުކޭޝަން ސެންޓަރުގައި މިކަމަށް ޓަކައި ބޭއްވި ރަސްމިއްޔާތުގައި، ހުވާ ކުރި ކެޑޭޓުންނަށް ހަތިޔާރު ހަވާލު ކުރުމުގެ ކުރިން އަންގާ އެންގުން އަންގަވާދެއްވީ އެމްއެންޑީއެފް ސަދަން އޭރިއާ ކޮމާންޑުގެ އެމްޑީޔޫ 5 ގެ ކޮމާންޑަރ ފަސްޓް ލެފްޓިނެންޓް އަޙްމަދު މުޖުތަބާއެވެ. 

ކެޑޭޓުންނަށް ހަތިޔާރު ހަވާލުކޮށްދެއްވާފައިވަނީ ފަސްޓް ލެފްޓިނެންޓް އަޙްމަދު މުޖުތަބާގެ އިތުރުން މިހާރު އެމްއެންޑީއެފް ސަދަން އޭރިއާ ކޮމާންޑްގައި ކުރިއަށްދާ 7 ވަނަ އެމްސީބީގެ ޕްލެޓޫން ލީޑަރ ފަސްޓް ލެފްޓިނެންޓް މުޙައްމަދު ރަޝީދެވެ.

މި ރަސްމިއްޔާތުގައި ޖުމްލަ 58 ކެޑޭޓުންނަށް ވަނީ ހަތިޔާރު ހަވާލުކޮށްދެއްވާފައެވެ.