އެސްޓީއޯ ވީކްއެންޑް ފިއެސްޓާއަށް ކަސްޓަމަރުންގެ ބޮޑު ތަރުހީބެއް

އެސްޓީއޯ ވީކްއެންޑް ފިއެސްޓާއަށް ކަސްޓަމަރުންގެ ބޮޑު ތަރުހީބެއް ލިބެމުން އަންނަ ކަމަށް އެ ކުންފުނިން ބުނެފިއެވެ.

އެސްޓީއޯ ވީކްއެންޑް ފިއެސްޓާއަކީ އެސްޓީއޯ ރަމަޒާން ބާޒާރާ ގުޅުވައި، 3 މާރޗް އިން ފެށިގެން 18 މާރޗްގެ ނިޔަލަށް އެސްޓީއޯ ޕީޕަލްސް ޗޮއިސްގައި، ކޮންމެ ހަފްތާ ބަންދެއްގައި ކުރިޔަށްގެންދެވޭ ޚާއްސަ ޕްރޮމޯޝަނެކެވެ.

ފިއެސްޓާގެ ތެރެއިން، އެސްޓީއޯ ޕީޕަލްސް ޗޮއިސް އިން ވިއްކާ ހޯމް އެޕްލައަންސް ބައްލަވައިގަތުމަށް ހޭދަކުރައްވާ ކޮންމެ 1000 ރުފިޔާއަކާއެކު އިނާމެއް ލިބިވަޑައިގަތުމުގެ ފުރުސަތު ލިބިވަޑައިގަންނަވާނެއެވެ.

ވީކްއެންޑް ފިއެސްޓާގައި ޚާއްސަ ޑިސްކައުޓްތަކެއް ލިބިވަޑައިގަންނަވާނެއެވެ. އަދި އެސްޓީއޯ ޕީޕަލްސް ޗޮއިސްގައި ރެކްލީސްކުރައްވައިގެން ވިޔަފާރިކުރައްވާ ފަރާތްތަކުންވެސް މި ފިއެސްޓާގެ ތެރެއިން ޚާއްސަ ޑިސްކައުންޓެއް ދެމުން ގެންދާނެއެވެ.

ވީކްއެންޑް ފިއެސްޓާގައި ހަވީރު 4:30 ން 6:00 ށް ކުޑަކުދިންނަށް ޚާއްސަ ހަރަކާތްތަކެއް ކުރިޔަށްގެންދެވޭނެއެވެ. އަދި ރޭގަނޑު 8:30 ން 10:00 އަށް ފްރީ ޓޭސްޓިންގ ކުރިޔަށް ގެންދެވޭނެއެވެ. މި ހަފްތާގެ ވީކްއެންޑް ފިއެސްޓާގައި  ހުކުރު ދުވަހު ހަވީރުވެސް ވަނީ ފްރީ ޓޭސްޓިންގ ކުރިޔަށް ގެންގޮސްފައެވެ.