އިސްކަންދަރުން އަމީނިއްޔާ ކޮޅަށް މާ ގިނައިން ލަނޑު ޖަހައިފި

އިންޓަ ސްކޫލް 15 އަހަރުން ދަށުގެ ފުޓުބޯޅަ މުބާރާތުގައި އަމީނިއްޔާއާ ދެކޮޅަށް ކުޅުނު މެޗު ތަފާތު ބޮޑު ނަތީޖާއަކުން އިސްކަންދަރު ސްކޫލް ކާމިޔާބުކޮށްފި އެވެ.

ގްރޫޕް ޑީ ގައި އާދިއްތަ ދުވަހުގެ ހަވީރު ގަލޮޅު ރަސްމީ ދަނޑުގައި ކުޅުނު މެޗު އިސްކަންދަރުން ކާމިޔާބު ކުރީ 29-0 އިންނެވެ. މެޗުގައި އިސްކަންދަރުގެ ލަނޑުތައް ޖެހީ މުޙައްމަދު އިލާން އިމްރާން އާއި އީތަން އިބްރާހިމް ޒަކީ އާއި އަޙުމަދު ކައިން ޣަޔާޝް އާއި ޔޫސުފް އަޔާން އާމިރު އާއި ޢަބްދުﷲ އައިދަހް ސާޖިދު އަދި ޔޫސުފް ޒުޖާޖް އިނާޒު އެވެ. މީގެ ތެރެއިން އިލާން އެކަނި ވެސް ވަނީ 13 ލަނޑު ޖަހައިފަ އެވެ. އީތަން ވަނީ ހަ ލަނޑު ޖަހައިފަ އެވެ. ކައިން އާއި އަޔާން އަދި އައިދަހް ވަނީ ކޮންމެ ކުޅުންތެރިޔަކު ވަނީ ތިން ލަނޑު ޖަހައިފަ އެވެ. އަނެއް ލަނޑު ޖެހީ ޒުޖާޖް އެވެ.

މި ގްރޫޕްގައި އާދިއްތަ ދުވަހުގެ ރޭ ބިލަބޮން ހައި އިންޓަނޭޝަނަލް ސްކޫލް އާއި ޣިޔާޘުއްދީން އިންޓަނޭޝަނަލް ސްކޫލް ކުޅުނު މެޗު ކާމިޔާބު ކުރީ ބިލަބޮން އިންނެވެ. އެ ޓީމުން މެޗު ކާމިޔާބު ކުރީ 2-3 އިންނެވެ. މެޗުގައި ފުރަތަމަ ލަނޑު ޖަހައި ކުރި ހޯދީ ޣިޔާޘުއްދީނުންނެވެ. އެއީ އަޙުމަދު ކާހިލް ޙުސެއިންގެ ލަނޑުންނެވެ. އޭގެ ފަހުން ބިލަބޮން އިން ވަނީ ދެ ލަނޑު ޖަހައި ލީޑު ވެސް ނަގައިފަ އެވެ. އެއީ އިޒްޔާން އިގްނާޒް މަންސޫރާއި ޔޫސުފް ނައިކް ވަޖީހުގެ ލަނޑުންނެވެ. އޭގެ ފަހުން ޣިޔާޘުއްދީންގެ ކާހިލް ވަނީ އެ ޓީމަށް ނަތީޖާ ހަމަހަމަކޮށްދީފަ އެވެ. މެޗުން ބިލަބޮން މޮޅު ކޮށްދިނީ އިޒްޔާންގެ ލަނޑުންނެވެ.

މުބާރާޓުގެ ކުޅުނު ކުރިއަށް ދާނީ ހަވީރު އަދި ރޭގަނޑުއެވެ.