ގަޑިބުރުގައި ހުރި ގަސް ވެސް ވަނީ ނަގައިފި
ގަޑިބުރު ތަޅާލުމުގެ މަސައްކަތް ކުރަނީ
ގަޑިބުރު އަނެއްކާ ވެސް ތަޅާލައިފި އެވެ.
ގަޑިބުރި ތަޅާލީ ކީއްވެގެން ކަމެއް ހައުސިން މިނިސްޓްރީން ހާމަކޮށްފައެއް ނެތެވެ.
ގަޑިބުރު ތަޅާލައި، އެތަނުގައި އިންދާފައި ހުރި ގަސްވެސް ވަނީ ނަގައިފަ އެވެ.
ރައީސް އަބްދުﷲ ޔާމީންގެ ސަރުކާރު ވެރިކަމަށް އައުމަށް ފަހު، ގަޑިބުރުގައި ކުރިން ހުރި ފާރުބުރި ތަޅާލައި، އެތަން ކޮނެ، ވައްބުރެއް ހެދިއެވެ. އަދި އެ ބުރުތެރޭގައި ތަރި ބައްޓަމަށް ވެސް ފާރުބުރިއެއް ރާނާފައިވެ އެވެ.
ގަޑިބުރު ތަޅާލުމާއި މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ ވޯޓާ ގުޅުމެއް އޮތްތޯ އެމްޑީޕީގެ ޗެއާޕާސަން ހަސަން ލަތީފް ވަނީ ސުވާލު އުފައްދަވައިފަ އެވެ.
"ގަޑިބުރު ކޮނެލައިފި! މަސީހުގެ އިތުބާރު ނެތްކަމުގެ ވޯޓްއާ ގަޑިބުރާ ގުޅުން ހުރީ ކަމަށް، ރައީސް ޔާމީން ދެކެވަޑައިގަންނަވަނީބާ؟" ހަސަން ލަތީފް ސުވާލު ކުރައްވާފައިވެ އެވެ.
މަޖީދީ މަގު ލަގްޒަރީ ފިހާރަ ކައިރީގައި ހަދާފައި ހުރި ބުރު ވެސް އެތައް ފަހަރަކު ތަޅާލައި އެންމެ ފަހުން އެ ބުރު ވަނީ ނަގައިފަ އެވެ.
