އއ އުކުޅަހުގައި 4 ކްލާސްރޫމުގެ އިމާރާތެއް އެޅުމަށް ބަޔަކާ ހަވާލުކޮށްފި
މިމަސައްކަތް ހަވާލުކޮށްފައިވަނީ ބަދަހި އިންވެސްޓްމަންޓް ޕްރައިވެޓް ލިމިޓެޑާ
އާއިޝަތު ޝިއުރާ | 8 ފެބުރުއަރީ 2023 | ބުދަ 16:23
އުކުޅަސް ސްކޫލް އިމާރާތުގެ އެއްބަސްވުމުގައި ސޮއިކުރުން
އއ.އުކުޅަހު ސްކޫލްގެ 4 ކްލާސްރޫމް ޢިމާރާތުގެ މަސައްކަތް ކުރުމަށް ބަޔަކާ ހަވާލުކޮށްފިއެވެ.
މިމަސައްކަތް ހަވާލުކޮށްފައިވަނީ ބަދަހި އިންވެސްޓްމަންޓް ޕްރައިވެޓް ލިމިޓެޑާއެވެ. އެއީ 200 ދުވަސްތެރޭގައި ނިންމާގޮތަށެވެ. މިއީ 4,996,681.38 (ހަތަރު މިލިއަން ނުވަލައްކަ ނުވަދިހަ ހަ ހާސް ހަސަތޭކަ އަށްޑިޔަ އެއް ރުފިޔާ)ގެ މަޝްރޫޢެކެވެ.
ސްކޫލްތަކުގައި ކިޔަވައިދިނުމަށް އޮތް ތަކުލީފު ކުޑަކޮށް ، ޖާގައާ ވަސީލަތްތައް އިތުރުކުރުމަށް ރާއްޖޭގެ އެކި ކަންކޮޅުތަކުގައި 1578 ކްލާސްރޫމާ، 85 މަލްޓިޕާޕަސް ހޯލްގެ މަސައްކަތް ދަނީ ހިނގަމުންނެވެ. މީގެ އިތުރަށް ތަޢުލީމީ ދާއިރާއާ ގުޅޭ އިތުރު 509 ޢުމުރާނީ މަޝްރޫޢު ދަނީ ހިނގަމުންނެވެ.
