ބައިބަލާ އެސޯސިއޭޝަނުން އިންތިޒާމުކޮށްގެން ބާއްވާ 1438 ވަނަ އަހަރުގެ "މޯލްޑިވިއަން ގޭސް ބައިބަލާ" މުބާރާތުގެ ގަދަ 16 އަށް ޓީމުތައް ދަތުރުކޮށްފި އެވެ.

މުބާރާތުގައި ބުރާސްފަތި ދުވަހު އަށް މެޗު ކުޅެފައިވާއިރު، ގަދަ 16 އަށް ދިޔަ ޓީމުތައް ކަށަވަރުވީ އެ މެޗުތަކަށް ފަހު އެވެ.

އެގޮތުން ބުރާސްފަތި ދުވަހުގެ ރޭ ކުޅުނު އާރްއެލްސީ ކޭވްއާ ވާދަކޮށް މޮޅުވެގެން މަސްއޮޑި ޓައިޓަންސް ގަދަ 16 އަށް ދަތުރުކޮށްފައިވާއިރު، ބްރަދާ ހުޑް ބަލިކުރުމަށް ފަހު ބުރުޕާކް ވަނީ ގަދަ 16 އަށް ދަތުރުކޯށްފައެވެ. ބޮސްނިއާ ގަދަ 16 އަށް ދަތުރުކުރީ ވީކޭ ސްޕޯޓްސް އާ ވާދަކޮށް މޮޅުވެގެންނެވެ.

ކްލަބް ވޯންޓެޑާ ވާދަކޮށް މޮޅުވެގެން އޮއެހާ ސްޕޯޓްސް ކްލަބް ގަދަ 16 އަށް ދަތުރުކޮށްފައިވާއިރު، ޕީކޭ ކަޔޯޓީސް ގަދަ 16 އަށް ދަތުރުކުރީ ބިއޯބީއާ ވާދަކޮށް މޮޅުވެގެންނެވެ. ދަނޑު ގޯޅި ގަދަ 16 އަށް ދަތުރުކުރީ އީގަލްސް އަންޗޯކަބްލްސްއާ ވާދަކޮށް މޮޅުވެގެންނެވެ. ގަދަ 16 އަށް މަސްއޮޑި ސްޕޯޓްސް ކްލަބް ޕާކް ކަންމަތިއާ ބަލިކުރުމަށްފަހު ދަތުރުކޮށްފައިވާއިރު، ކްލަބް ގްރީން ސްޓްރީޓް ގަދަ 16 އަށް ދަތުރުކުރީ ލޮރެންޒޯ ހޭނަސްއާ ވާދަކޮށްގެންނެވެ.

މުބާރާތުގެ ގަދަ 16 ގެ ފުރަތަމަ މެޗުގައި އީގަލްސް އިން ތްރީޑީއާ ދެކޮޅަށް ކްލަބް ޒެފްރޯލް ނިކުންނައިރު، ދެވަނަ މެޗުގައި އޫމްޕާ ލޫމްޕާއާ ދެކޮޅަށް ނިކުންނާނީ ހުޅުމާލޭ ސްޕޯޓްސް ކްލަބެވެ. މަސް ވޯވޯއާ ދެކޮޅަށް ކްލަބް ޓީން އޭޖް ނިކުންނަިއުރ، ލޮރެންޒޯ ސްޕޯޓްސް ކްލަބާ ދެކޮޅަށް ނިކުންނާނީ ޕަންކް ނެކެސްޓް ލެވެލްއެވެ. މީގެއިތުރުން މަސްއޮޑި ޓައިޓަންސްއާ ދެކޮޅަށް ޕީކޭ ކަޔޯޓީސް ނިކުންނައިރު، ބުރު ޕާކް ނިކުންނާނީ ދަނޑު ގޯޅިއާ ދެކޮޅަށެވެ. ބޮސްނިއާ ސްޕޯޓްސް ކްލަބުން މަސްއޮޑި ސްޕޯޓްސް ކްލަބާ ދެކޮޅާށް ނިކުންނައިރު، އޮއެހާ ސްޕޯޓްސް ކްލަބް ނިކުންނާނީ ކްލަބް ގްރީން ސްޓްރީޓްއާ ދެކޮޅަށެވެ.