ކ. މާލެ
|
11 ޖެނުއަރީ 2023 | ބުދަ 08:44
އިތުރު ވަގުތުގައި ލަނޑުޖެހުމަށްފަހު އަކާބީ: ފޮޓޯ-އިންޓަރ މިލާން
އިތުރު ވަގުތުގައި ލަނޑުޖެހުމަށްފަހު އަކާބީ: ފޮޓޯ-އިންޓަރ މިލާން
އިޓާލިއަން ކަޕް
އިތުރު ވަގުތުގައި ބުފޮންގެ ޕާމާ ބަލިކޮށް އިންޓަރ މިލާން ކުއާޓާ ފައިނަލަށް!
 
އިންޓަރ މިލާން މޮޅުވީ 1-0 ން

ނަތީޖާ ނެރުމަށް ކުޅުނު އިތުރު ވަގުތުގައި ބުފޮންގެ ޕާމާ ބަލިކޮށް, ޗެމްޕިއަން އިންޓަރ މިލާނުން އިޓާލިއަން ކަޕްގެ ކުއާޓާ ފައިނަލުން ޖާގަ ހޯދައިފިއެވެ.

44 އަހަރުގެ ބުފޮން ގޯލް ބަލަހައްޓަމުން ދިޔަ ޕާމާ އަތުން އިންޓަރ މިލާން މޮޅުވީ 2-1 ނެވެ. މެޗު ފަށައިގެން ފުރަތަމަ ހާފްގައި ފުރަތަމަ ލަނޑުޖަހާ ކުރިހޯދީވެސް ޕާމާއިންނެވެ. އެޓީމަށް ކުރިހޯދައިދިނީ ސްޓާންކޯ ޖުރިކްއެވެ. އިންޓަރ މިލާނުން ނަތީޖާ ހަމަހަމަކުރީ މެޗުގެ ފުރިހަމަ ވަގުތު ހަމަވާން ދެމިނިޓަށް ވެފައިވަނިކޮށް ލައުޓާރޯ މާޓީނޭޒް ޖެހި ލަނޑުންނެވެ. މެޗު އެއްވަރުވުމުން ނަތީޖާ ނެރުމަށް ކުޅުނު 15 މިނިޓްގެ ދެހާފްގެ ތެރެއިން އިންޓަރ މިލާނުން މެޗު ކާމިޔާބުކުރި ލަނޑު ޖެހީ ފްރަންސެސްކޯ އަޗާބީއެވެ. އޭނާ ލަނޑު ޖެހީ 110 ވަނަ މިނެޓުގައެވެ.

މިމެޗަކީ އިޓަލީގެ ދެވަނަ ޑިވިޝަން ސެރީ ބީގައި ވާދަކުރާ ޕާމާއާއެކު އޮކްޓޯބަރުގެ ފަހުން ބުފޮން ނުކުތް ފުރަތަމަ މެޗެވެ. އެއީ އަނިޔާގެ ސަބަބުންނެވެ. ބުފޮން ވަނީ މީގެކުރިން ހަ ފަހަރު ކަޕް ކާމިޔާބުކޮށްފައެވެ. ފުރަތަމަ ކާމިޔާބުކުރީ ފުރަތަމަ ސީޒަންގައި ޕާމާއާއެކުއެވެ. އޭގެފަހުން ޔުވެންޓަސްއާއެކު ފަސް ފަހަރު މުބާރާތް ކާމިޔާބުކުރިއެވެ. އިންޓަރ މިލާން އަތުން ބަލިވި މެޗުގައި ނަތީޖާ ނެރުމަށް އިތުރު ވަގުތު ކުޅެން ޖެހުނީވެސް ބުފޮންގެ ހުށިޔާރުކަމުންނެވެ. އޭނާ ވަނީ އެޑިން ޒެކޯ ފޮނުވާލީ ބޯޅަތައް ހުއްޓުވާފައެވެ.

ބުފޮން އަލުން އޭނާގެ ފުރަތަމަ ކްލަބް ޕާމާއާ ގުޅުނީ 2021 ވަނަ އަހަރުއެވެ. އެއީ އެކްލަބް ދޫކޮށްލިތާ 20 އަހަރު ފަހުންނެވެ.

އެންމެ ފަހުން އަޕްޑޭޓް ކުރީ: 9 ގަޑިއިރު ކުރި
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް