ކުޅިވަރު
އިނގިރޭސި އެފްއޭކަޕް
ޕޯޓްސްމައުތް ބަލިކޮށް، ޓޮޓެންހަމް އަނެއްބުރަށް!
ޓޮޓެންހަމް މެޗު ކާމިޔާބުކުރީ 1-0 ން
ޙަފްޞީ ޢަބްދުالله, ރާއްޖެ އެމްވީ | 7 ޖެނުއަރީ 2023 | ހޮނިހިރު 15:05
މެޗަށްފަހު ކޭންއާއޮ އަލްފީ
އިނގިރޭސި ލީގު ވަންގައި ވާދަކުރާ ޕޯޓްސްމައުތް ބަލިކޮށް, އިނގިރޭސި އެފްއޭކަޕްގެ އަނެއް ބުރުން ޓޮޓެންހަމް ޖާގަ ހޯދައިފިއެވެ.
މުބާރާތުގެ ހަތަރުވަނަ ބުރުން ޓޮޓެންހަމް ޖާގަ ހޯދީ ތިންވަނަ ބުރުގައި 1-0 ން ޕޯޓްސްމައުތު ބަލިކޮށްގެންނެވެ. މެޗުން ޓޮޓެންހަމް މޮޅުކޮށްދިން ލަނޑު ޖެހީ ކެޕްޓަން ހެރީ ކޭންއެވެ. 50 ވަނަ މިނިޓްގައި ކޭން ޖެހި މިގޯލަކީ ޓޮޓެންހަމްއަށް އޭނާ ޖަހައިދިން 265 ވަނަ ގޯލެވެ. މެޗަށް ޓޮޓެންހަމް ނިކުތީ އަނިޔާގެ ސަބަބުން ގިނަ ބަދަލުތަކަކާއެކުއެވެ. އެގޮތުން ޓޮޓެންހަމްގެ ފުރަތަމަ އެގާރައިގައި ޢާއްމުކޮށް ކުޅޭ ކުޅުންތެރިންނަށް ބަލާއިރު އަށެއްކަ ބަދަލު މެޗުން ފާހަގަކުރެވުނެވެ.
އެފްއޭކަޕްގެ ތިންވަނަ ބުރުގައި ލެސްޓަރ ސިޓީ ވަނީ 1-0 ން ގިލިންގހަމް ބަލިކޮށް, ހަތަރުވަނަ ބުރުން ޖާގަ ހޯދާފައެވެ.
