އިޓާލިއަން ލީގުގައި ސެލަނިޓާނާ ބަލިކޮށް އޭސީ މިލާން ދެ ވަނަ އަށް ޖެހިލައިފި އެވެ.

މިއީ ވޯލްޑް ކަޕް ބްރޭކަށްފަހު ލީގުގައި އޭސީ މިލާނުން ކުޅުނު ފުރަތަމަ މެޗެވެ. ބުދަ ދުވަހުގެ ރޭ ސެލަނިޓާނާގެ އަމިއްލަ ދަނޑުގައި ކުޅުނު މެޗުން އޭސީ މިލާން މޮޅުވީ 2-1 އިންނެވެ. މެޗުން އޭސީ މިލާން މޮޅުވީ ފުރަތަމަ 15 މިނެޓުގައި ޖެހި ދެ ލަނޑުންނެވެ. މެޗުގެ 10 ވަނަ މިނެޓުގައި އެ ޓީމަށް ލީޑު ނަގައިދިނީ ރަފައެލް ލިއޯ އެވެ. އެއީ ސަންޑްރޯ ޓިނާލީ ޖައްސާލި ބޯޅައެއް އޭރިޔާ ބޭރުން، ސެލަނިޓާނާގެ ކީޕަރު ގުއިލާމޯ އޮޗޯއާ ކައިރިން ނައްޓައި ގޯލަށް ބޯޅަ ފޮނުވާލައިގެން އޭނާ ކާމިޔާބުކޮށްދިން ލަނޑެކެވެ. އޭގެ ފަސް މިނެޓު ފަހުން މިލާންގެ ދެ ވަނަ ލަނޑު ޖެހީ، ފުރަތަމަ ލަނޑު ޖެހުމަށް އެހީތެރިވެދިން ޓޮނާލީ އެވެ. އޭރިޔާ ބޭރުން އޭނާ ފޮނުވާލި ހަމަލާ ސެލަނިޓާނާގެ ކީޕަރު އޮޗުއާ މަތަކުރި ވަގުތު ރީ ބައުންސަށް ނިކުން ބޯޅަ ލިބުނީ ބްރަހިމް ޑިއާޒް އަށެވެ. ޑިއާޒް ޖައްްސާލި ބޯޅަ ޓޮނާލީ ފޮނުވާލީ ގޯލުގެ ތިރީ ކަނަށެވެ. މެޗުގައި ސެލަނިޓާނާގެ ހަމައެކަނި ލަނޑު 83 ވަނަ މިނެޓުގައި ޖެހީ ފެޑެރިކޯ ބޮނަޒޮލީ އެވެ.

މެޗުން މޮޅުވެ އޭސީ މިލާން ދެ ވަނައިގައި އޮތީ ކުޅުނު 16 މެޗުން 36 ޕޮއިންޓާއެކު އެވެ. ތިން ވަނައިގައި އޮތް ޔުވެންޓަސް އަށް ލިބެނީ 34 ޕޮއިންޓެވެ.