ރިއާލް އޮވިއޭޑޯ ބަލިކޮށް އެތުލެޓިކޯ މެޑްރިޑު ގަދަ 16 އަށް
ބުދަ ދުވަހުގެ ރޭ ކުޅުނު މެޗުން އެތުލެޓިކޯ މޮޅުވީ 2-0 އިން
ކޮޕަ ޑެލް ރޭގައި އެތުލެޓިކޯ އިން ކުޅުނު މެޗުގެ ތެރެއިން
ކޮޕަ ޑެލް ރޭ މުބާރާތުގައި ރިއާލް އޮވިއޭޑޯ ބަލިކޮށް އެތުލެޓިކޯ މެޑްރިޑު މުބާރާތުގެ ގަދަ 16 އިން ޖާގަ ހޯދައިފި އެވެ.
ބުދަ ދުވަހުގެ ރޭ ކުޅުނު މެޗުން އެތުލެޓިކޯ މޮޅުވީ 2-0 އިންނެވެ. މެޗުގެ 24 ވަނަ މިނެޓުގައި އެތުލެޓިކޯ އަށް ލީޑު ނަގައިދިނީ މާކޮސް ލޮރެންޓޭ އެވެ. އެއީ ރިއާލް އޮވިއޭޑޯގެ ގޯލު އޭރިޔާ ތެރެއިން ލިބުނު ބޯޅައެއް، އެއް ފަހަރުން ޖަހައި ކީޕަރު ޓޮމެއޫ ނަަޑާލްގެ ބޯ މަތިން ގޯލަށް ފޮނުވާލައިގެންނެވެ. އެތުލެޓިކޯގެ ދެ ވަނަ ލަނޑު މެޗުގެ ފަހު ދިހަ މިނެޓުގެ ތެރޭގައި ޖަހައިދިނީ ބާރިއޮސް ރިވާސް އެވެ. އެއީ އެންހެލް ކޮރެއާ ދިން ބޯޅައެއް ކީޕަރުގެ ފައި ދަށުން ގޯލަށް ފޮނުވާލައިގެން އޭނާ ކާމިޔާބުކޮށްދިން ލަނޑެކެވެ.
ކޮޕަ ޑެލް ރޭ މުބާރާތުގައި ޑިޕޯޓިވޯ އަލަވޭސް ވަނީ 1-0 އިން ރެއާލް ވަލަޑޮލިޑު ބަލިކޮށްފަ އެވެ. ލިނަރޭސްއާ ދެކޮޅަށް ކުޅުނު މެޗުން ސެވިއްޔާ މޮޅުވީ 5-0 އިންނެވެ. މީގެ އިތުރުން ލޮގްރޮނެސް އާއި ރެއާލް ސޮސިއެޑާޑު ބައްދަލު ކުރި މެޗު 1-0 އިން ކާމިޔާބުކުރީ ސޮސިއެޑާޑެވެ.
