އިންޓަ ސިޓީ އަތުން ބާސެލޯނާ އަށް ހަނި މޮޅެއް

ކޮޕަ ޑެލް ރޭގައި އިންޓަ ސިޓީއާ ދެކޮޅަށް ކުޅުނު މެޗުން ބާސެލޯނާ ހަނި ގޮތަކަށް މޮޅުވެއްޖެ އެވެ.

މުބާރާތުގެ ތިން ވަނަ ބުރުގައި އިންޓަ ސިޓީއާ ދެކޮޅަށް ބުދަ ދުވަހުގެ ރޭ ކުޅުނު މެޗުން ބާސެލޯނާ މޮޅުވީ 4-3 އިންނެވެ. މެޗު ފަށައިގެން ހަތަރު ވަނަ މިނެޓުގައި ބާސެލޯނާ އިން ވަނީ ލީޑު ނަގާފަ އެވެ. އެ ޓީމަށް ލީޑު ނަގައިދިނީ ރޮނާލްޑު އަރައުހޯ އެވެ. ފުރަތަމަ ހާފު ބާސެލޯނާއިން އެއް ލަނޑުގެ ލީޑަކުން ނިންމާލި ނަމަވެސް، ދެ ވަނަ ހަފުގައި އިންޓަ ސިޓީން ވަނީ ނަތީޖާ ހަމަހަމަކޮށްފަ އެވެ. ދެ ވަނަ ހާފުގެ 59 ވަނަ މިނެޓުގައި އެ ޓީމަށް ނަތީޖާ ހަމަހަމަކޮށްދިނީ އޮރިއެލް ސޮލްޑެވިލާ އެވެ. އޭގެ ފަހުން 66 ވަނަ މިނެޓުގައި ފްރާންސްގެ އޮސްމާން ޑެމްބެލޭ ވަނީ ބާސެލޯނާ އަށް ދެ ވަނަ ފަހަރަށް ލީޑު ނަގައިދީފަ އެވެ. އޭގެ އަށް މިނެޓު ފަހުން ސޮލްޑެވިއާ ވަނީ އިންޓަ ސިޓީ އަަށް ދެ ވަނަ ފަހަރަށް ނަތީޖާ ހަމަހަމަކޮށްދީފަ އެވެ. އިންޓަ ސިޓީން ނަތީޖާ ހަމަހަމަކުރިތާ ތިން މިނެޓު ފަހުން ބާސެލޯނާ އަށް ލީޑު ނަގައިދިނީ ރަފީނިއާ އެވެ. މެޗުގެ ފުރިހަމަ ވަގުތު ހަމަވާން ހަތަރު މިނެޓަށްވެފައި ވަނިކޮށް ސޮލްޑެވިއާ ވަނީ އޭނާގެ ތިން ވަނަ ލަނޑު ޖަހައި، އިންޓަ ސިޓީ އަށް ތިން ވަނަ ފަހަރަށް ނަތީޖާ ހަމަހަމަކޮށްދީފަ އެވެ. މެޗުން ބާސެލޯނާގެ މޮޅުވީ އިތުރު ވަގުތުގައު ސްޕެއިންގެ އަންސޫ ފާޓީ ޖަހައިދިން ލަނޑުންނެވެ.

ކޮޕަ ޑެލްރޭ މުބާރާތުގައި ދެން އޮންނާނީ ގަދަ 16 ގެ މެޗުތަކެވެ. އެ މެޗުތައް ކުރިއަށް ދާނީ މި މަހުގެ 17 އިން 19 އަށެވެ. ގަދަ 16 ގެ ގުރު ނެގުން އޮންނާނީ ހޮނިހިރު ދުވަހު އެވެ.