ހަތަރު ވަނައިގައި ޔުނައިޓެޑުން 5 ޕޮއިންޓުގެ ލީޑެއް ނަގައިފި
4 ޖެނުއަރީ 2023 | ބުދަ 02:34ޔުނައިޓެޑް މެޗު ކާމިޔާބުކުރީ 3-0 ން
ޔުނައިޓެޑްގެ ފުރަތަމަ ލަނޑު ޖެހުމަށްފަހު ކަސެމީރޯ
އިނގިރޭސި ޕްރިމިއަރ ލީގު ތާވަލުގެ އެއްވަނާގައި މެންޗެސްޓަރ ޔުނައިޓެޑުން ފަސް ޕޮއިންޓުގެ ލީޑެއް ނަގައިފިއެވެ.
ޔުނައިޓެޑުން ލީޑު ފަސް ޕޮއިންޓަށް ފުޅާކުރީ ބޯންމައުތް 3-0 ން ބަލިކޮށްގެން ހޯދި ތިން ޕޮއިންޓާއެކު ޖުމްލަ 35 ޕޮއިންޓު ހަމަކޮށްގެންނެވެ. ތިންވަނާގައި އޮތް ނިއުކާސަލް ޔުނައިޓެޑާ ދެމެދުވެސް އޮތީ ދެ ގޯލްގެ ތަފާތެވެ. ޔުނައިޓެޑްގެ ފުރަތަމަ ލަނޑު ޖެހީ މިޑްފީލްޑަރ ކަސެމީރޯއެވެ. ފުރަތަމަ ހާފްގައި އެރިކްސަން ތަނަވަސްކޮށްދިން ފުރުޞަތަކުން ކަސެމީރޯ ލަނޑު ޖެހީ 23 ވަނަ މިނެޓުގައެވެ. ދެވަނަ ލަނޑު ދެވަނަ ހާފް ފަށައިގެން ހަތަރުވަނަ މިނެޓުގައި ލުކް ޝޯވ ޖެހީ ޒުވާން ފޯވާޑް ގާނާޗޯ ތަނަވަސްކޮށްދިން ފުރުޞަތަކުންނެވެ. މެޗު ނިމެން ހަތަރު މިނެޓަށް ވެފައިވަނިކޮށް ތިންވަނަ ލަނޑު ބުރޫނޯ ފެނާންޑޭޒް ތަނަވަސްކޮށްދިން ފުރުޞަތެއްގައި ޖެހީ ރަޝްފޯޑެވެ.
ލީގުގައި ބްރައިޓަން ވަނީ 4-1 ން އެވަޓަން ބަލިކޮށް ލީގު ތާވަލްގެ އަށްވަނައަށް ޖެހިލާފައެވެ. އެއީ 17 މެޗުން 27 ޕޮއިންޓު ހޯދައިގެންނެވެ. ހަތްވަނާގައި އޮތީ 1-0 ން ލެސްޓަރ ސިޓީ ބަލިކުރި ފުލަމްއެވެ.
