ނޮވެމްބަރު މަހު ގްރީން ފަންޑަށް އިތުރުވީ 24.9 މިލިއަން ރުފިޔާ
ނޮވެމްބަރު މަހު ގްރީން ޓެކްސްގެ ގޮތުގައި 76،288،124.28 ރުފިޔާ ލިބިފައިވޭ
2022 ވަނަ އަހަރު ރާއްޖެ އައި 1.6 މިލިއަން ވަނަ ފަތުރުވެރިޔާ
2022 ވަނަ އަހަރުގެ ނޮވެމްބަރު މަސް ނިމުނުއިރު ގްރީން ފަންޑަށް އިތުރުވީ 24،919،193.21 (ސައްވީސް މިލިއަން ނުވަލައްކަ ނަވާރަހާސް ސަތޭކަ ނުވަދިހަ ތިންރުފިޔާ އެކާވީސް ލާރި) ކަމަށް ފިނޭންސް މިނިސްޓްރީން ހާމަކޮށްފިއެވެ.
ފިނޭންސް މިނިސްޓްރީން ވަނީ ނޮވެމްބަރު މަހުގެ ގްރީން ފްންޑު ރިޕޯޓު އާންމުކޮށްފައެވެ. މި ފަންޑަށް ޖަމާވަނީ ގްރީން ޓެކްސްގެ ގޮތުގައި ދައުލަތަށް ލިބޭ އާމްދަނީއެވެ. މި ފަންޑަށް ޖަމާވާ ފައިސާއިން ހިންގާ މަޝްރޫއުތަކުގެ ތަފްސީލު މި ރިޕޯޓުގައި އާންމުކޮށްފައިވެއެވެ.
ގްރީން ފަންޑު ރިޕޯޓުގައިވާގޮތުން ނޮވެމްބަރު މަހު ގްރީން ޓެކްސްގެ ގޮތުގައި 76،288،124.28 (ހަތްދިހަ ހަތްމިލިއަން ދެލައްކަ އަށްޑިހަ އަށްހާސް ސަތޭކަ ސައްވީސް ރުފިޔާ އަށާވީސް ލާރި) ލިިބިފައިވެއެވެ. މިގޮތުން އެންމެ ބޮޑު އަދަދެއް ލިބިފައިވަނީ ރިސޯޓުތަކުންނެވެ.
ރިސޯޓުތަކުން 70،224،558.04 (ހަތްދިހަމިލިއަން ދެލައްކަ ސައްވީސްހާސް ފައްސަތޭކަ ފަންސާސް އަށްރުފިޔާ ހަތަރު ލާރި) ލިބިފައިވެއެވެ. ހޮޓާތަކުން 1،841،651.10 (އެއްމިލިއަން އަށްލައްލަ ސާޅީސްއެއްހާސް ހަސަތޭކަ ފަންސާސް އެއް ރުފިޔާ ދިހަ ލާރި) ލިބިފައިވެއެވެ. ގެސްޓްހައުސްތަކަށް އައި ފަތުރުވެރިންގެ އަތުން 2،137،394.16 (ދެމިލިއަން އެއްލައްކަ ތިރީސްހަތްހާސް ތިންސަތޭކަ ނުވަދިހަ ހަތަރު ރުފިޔާ ސޯޅަ ލާރި) ލިބިފައިވެއެވެ. ލިވަރބޯޑުތަކުން 2،082،170.90 (ދެމިލިއަން އަށްޑިހަ ދެހާސް ސަތޭކަ ހަތްދިހަ ރުފިޔާ ނުވަދިހަ ލާރި) ލިބިފައިވެއެވެ. އަދި ހޯމްސްޓޭތަކުން 2،350.08 ރުފިޔާ ލިބިފައިވާކަމަށް މިނިސްޓްރީން ހާމަކޮށްފައިވެއެވެ. މިއާއެކު ނޮވެމްބަރު މަހު ގްރީން ޓެކުހުން ދައުލަތަށް ލިބުނު އާމްދަނީ ވަނީ 76،288،124.28 (ހަތްދިހަ ހަތްމިލިއަން ދެލައްކަ އަށްޑިހަ އަށްހާސް ސަތޭކަ ސައްވީސް ރުފިޔާ އަށާވީސް ލާރި) އަށް އަރާފައެވެ.
ގްރީން ފަންޑު ރިޕޯޓުން ބުނާގޮތުގައި ނޮވެމްބަރު އެ ފަންޑުން ވަނީ 51،368،931.07 (ފަންސާސް އެއްމިލިއަން ތިންސަތޭކަ ފަސްދޮޅަސް އަށްހާސް ނުވަސަތޭކަ ތިރީސްއެއް ރުފިޔާ ހަތް ލާރި) ގެ މަޝްރޫއު ހިންގާފައެވެ. މި ފަންޑުން ހިންގާފައިވާ ތަރައްގީގެ މަޝްރޫއުތަކުގެ ތެރޭގައި ގޮނޑުދޮށް ހިމާޔަތްކުރުމާއި، ލ. ފޮނަދޫގައި ފެނުގެ ކޮލިޓީ ތަހުލީލުކުރާ ލެބެއް ގާއިމްކުރުމާއި، ނަރުދަމާ ނިޒާމު ގާއިމްކުރުމާއި، ފެނާއި ނަރުދަމާ ނިޒާމު ގާއިމްކުރުމާއި، ވޯޓަރ ސަޕްލައި ގާއިމްކުރުމާއި އަދިވެސް އިތުރު ތަރައްގީގެ މަޝްރޫއުތައް ހިންގާފައިވެއެވެ.
މިއާއެކު ނޮވެމްބަރު މަހު ގްރީން ފަންޑަށް އިތުރުވެފައިވަނީ 24،919،193.21 (ސައްވީސް މިލިއަން ނުވަލައްކަ ނަވާރަހާސް ސަތޭކަ ނުވަދިހަ ތިންރުފިޔާ އެކާވީސް ލާރި) ކަމަށް ފިނޭންސް މިނިސްޓްރީން ހާމަކޮށްފައިވެއެވެ. މިއާއެކު މިހާރު ގްރީން ފަންޑުގައި ބާކީ ހުރީ 826،827،846.12 (އަށްސަތޭކަ ސައްބީސް މިލިއަން އަށްލައްކަ ހަތާވީސްހާސް އަށްސަތޭކަ ސާޅީސް ހަރުފިޔާ ބާރަ ލާރި) ކަމަށް މިނިސްޓްރީން ހާމަކޮށްފައިވެއެވެ.
2022 ވަނަ އަހަރު ފެށުނު އިރު މި ފަންޑުގައި ހުރީ 708،145،756.53 (ހަތްސަތޭކަ އަށްމިލިއަން އެއްލައްކަ ސާޅީސް ފަސްހާސް ހަތްސަތޭކަ ފަންސާސް ހަރުފިޔާ ފަންސާސް ތިންލާރި) ކަމަށް ފިނޭންސް މިނިސްޓްރީން ހާމަކޮށްފައިވެއެވެ.
