މާކަސް ރަޝްފޯޑްގެ މޮޅު ކުޅުމާއެކު މެންޗެސްޓަރ ޔުނައިޓެޑްގެ އެނބުރި އައުން ފުރިހަމަ މޮޅަކުން ފަށައިފިއެވެ.
ފީފާ ވަރލްޑްކަޕް ފުޓްބޯޅަ މުބާރާތަށްފަހު މެންޗެސްޓަރ ޔުނައިޓެޑް ކުޅުނު ފުރަތަމަ މެޗު ނޮޓިންގހަމް ފޮރެސްޓާ ވާދަކޮށް ކާމިޔާބުކުރީ 3-0 ނެވެ. 19 ވަނަ މިނެޓުގައި ފުރަތަމަ ލަނޑު ޖެހުމަށްފަހު އޭގެ ދެ މިނެޓުފަހުން ދެވަނަ ލަނޑު ޖަހަން ފުރުޞަތު ތަނަވަސްކޮށްދިނީވެސް ރަޝްފޯޑެވެ. ދެވަނަ ލަނޑު ޖެހީ މާޝިއަލްއެވެ. ތިންވަނަ ލަނޑު ޖެހީ ކަސެމީރޯ ތަނަވަސްކޮށްދިން ފުރުޞަތަކުން ފްރެޑްއެވެ. ފްރެންޑް ލަނޑު ޖެހީ މެޗު ނިމެން ތިން މިނެޓަށް ވެފައިވަނިކޮށެވެ.
މިމޮޅާއެކު މެންޗެސްޓަރ ޔުނައިޓެޑާއި ގަދަ ހަތަރަކާ ދެމެދު އޮތީ ޕޮއިންޓެއްގެ ފަރަގެކެވެ. މިވަގުތު ހަތަރު ވަނާގައި ޓޮޓެންހަމް އޮތީ ޔުނައިޓެޑަށްވުރެ އިތުރަށް މެޗެއް ކުޅެގެންނެވެ. ރޭގެ މެޗަކީ ރޮނަލްޑޯ ދޫކޮށްލުމަށްފަހު ޔުނައިޓެޑުން ކުޅުނު ފުރަތަމަ މެެޗެވެ. ރޮނަލްޑޯ ނެތުމުގެ އުނިކަމެއް އަދި އަސަރެއް ޔުނައިޓެޑުން ނުފެނެއެވެ.
