މަގޫދޫ ސިއްހީ މަރުކަޒުގެ އެކްސްޓެންޝަން އިމާރާތުގެ މަސައްކަތް ބަޔަކާ ހަވާލުކޮށްފި
މިއީ 3.8 މިލިއަން ރުފިޔާ މަޝްރޫއެއް
އިދުހާމް ނަޢީމް | 28 ޑިސެމްބަރު 2022 | ބުދަ 02:23
މަގޫދޫ ސިއްޙީ މަރުކަޒުގެ އެކްސްޓެންޝަން އިމާރާތުގެ އެއްބަސްވުމުގައި ސޮއިކުރުން
ފ. މަގޫދޫ ސިއްހީ މަރުކަޒުގެ އެކްސްޓެންޝަން އިމާރާތުގެ މަސައްކަތް ބަޔަކާ ހަވާލުކޮށްފިއެވެ.
މި މަޝްރޫއުގެ މަސައްކަތް ހެލްތު މިނިސްޓްރީން ހަވާލުކޮށްފައިވަނީ އޮޕްޓިމަލް އިންވެސްޓްމަންޓް މޯލްޑިވްސްއާއެވެ. އެ ކުންފުންޏާއެކު އެއްބަސްވުމުގައި ސޮއިކޮށްފައިވަނީ އަންގާރަ ދުވަހުއެވެ.
ހެލްތު މިނިސްޓްރީން ބުނެފައިވާ ގޮތުގައި އެ ކުންފުންޏާ ހަވާލުކޮށްފައިވަނީ 3،881.472.76 (ތިން މިލިޔަން އައްލައްކަ އައްޑިހަ އެއްހާސް ހަތަރު ސަތޭކަ ހަތްދިހަ ދެ ރުފިޔާ ހަތްދިހަ ހަ ލާރި) އަށެވެ.
މަގޫދޫ ސިއްޙީ މަރުކަޒުގެ އެކްސްޓެންޝަން އިމާރާތުގެ މަސައްކަތް ނިންމަން ހެލްތު މިނިސްޓްރީން އޮޕްޓިމަލް އިންވެސްޓްމަންޓް މޯލްޑިވްސް އަށް ދީފައިވަނީ 145 ދުވަހުގެ މުއްދަތަކެވެ.
