އެންމެ މީރު ކާއެއްޗެތި ތައްޔާރު ކުރާ ގައުމުތަކުގެ ލިސްޓު ހާމަކޮށްފި

މުޅި ދުނިޔެއިން ވެސް އެންމެ މީރު ކާއެއްޗެތި ތައްޔާރު ކުރާ ގައުމުތަކުގެ ތެރެއިން 2022 ވަނަ އަހަރު ވަނަ ހޯދި ގައުމުތަކުގެ ނަންތައް ހާމަކޮށްފިއެވެ. "ޓޭސްޓް އެޓްލަސް އެވޯޑް 2022" ބުނާ ގޮތުން މި ލިސްޓްގެ އެންމެ ކުރީގައި މިއަހަރު އުޅެނީ އިޓަލީއެވެ. ގްރީސް އަށް ދެވަނަ ލިބިފައިވާއިރު ތިންވަނަ މަގާމު ލިބިފައިވަނީ ސްޕެއިންއަށެވެ. ޖަޕާން އަށް ހަތަރުވަނަ ލިބުނު އިރު ފަސްވަނަ ލިބިފައިވަނީ އިންޑިޔާގައި ތައްޔާރު ކުރާ ކެއުމުގެ ބާވަތްތަކަށެވެ. މިކަމުގައި ވަނަ ހޮވަނީ ކާއެއްޗެތި ތައްޔާރު ކުރުމަށް ބޭނުންކުރާ ތަކެއްޗާއި އަދި ނިމިފަ ހުންނަ ކެއުންތަކުގެ އިތުރުން އެކި ބުއިންތަކުގެ މައްޗަށް ބަލާ ވަކި ޚާއްސަ އޯޑިއަންސްއެއް ޕޮއިންޓް ދޭ އުސޫލުންނެވެ.

ފަސްވަނަ އަށް އައި އިންޑިޔާގެ ކެއުންތަކަކީ ދިވެހިންނަށް ވެސް ވަރަށް މަގުބޫލު ކެއުންތަކެކެވެ. 400 އެއްހާ އައިޓަމް ހުށަހެޅުނުއިރު މީގެ ތެރެއިން ބައެއް ތަކެތި ތައްޔާރު ކުރުމަށް ބޭނުން ކުރާ ގަރަމް މަސާލަ، ގިތެޔޮ، މަލާއީ ފަދަ ތަކެއްޗަކީ ރައްކާތެރި އަދި ކާއެއްޗެއްސަށް އިތުރު ފުރިހަމަކަން ގެނެސްދޭ ތަކެއްޗެވެ.

މިއީ އޮންލައިން ކޮން ނެގުނު ވޯޓަކަށް ވާއިރު ބައެއް ގައުމުތަކަށް ވަނަ ދެވުނު ގޮތާމެދު އެކި ފަރާތްތަކުން ދަނީ ސުވާލު އުފައްދަމުންނެވެ. މިގޮތުން ޗައިނާގެ ބައެއް ކާތަކެތި ދުނިޔޭގައި ނުހަނު މަގުބޫލު ތަކެއްޗަށްވާއިރު ޗައިނާ އަށް 11 ވަނަ ލިބުނީ ކިހިނެއްތޯ ބައެއް ފަރާތްތަކުން ސުވާލު އުފައްދާފައިވެއެވެ. ހަމަ އެފަދައިން ތައިލަންޑުގެ ކެއުންތައް ވެސް ވަރަށް މަގުބޫލުއިރު ތައިލަންޑަށް ލިބިފައިވަނީ 30 ވަނައެވެ. އެމެރިކާއަށް 8 ވަނަ މަގާމު ލިބިފައިވާއިރު ފްރާންސް އަށް ލިބުނީ 9 ވަނަ މަގާމެވެ.

މައުލޫމާތު: ވިއޯން ޗެނެލް