މިނިސްޓަރު ޝާހިދު ބޮސްނިއާގެ ފޮރިން މިނިސްޓަރާ ބައްދަލުކުރައްވައިފި
19 ޑިސެމްބަރު 2022 | ހޯމަ 02:07އެކި ދާއިރާތަކުން ގުޅުން ބަދަހިކުރުމަށް މަޝްވަރާކުރެއްވި
ބޮސްނިއާގެ ފޮރިން މިނިސްޓަރާ ބައްދަލުކުރެއްވުން
ފޮރިން މިނިސްޓަރު އަބްދުﷲ ޝާހިދު ބޮސްނިއާ އެންޑް ހަރޒަގޮވިނާގެ މިނިސްޓަރ އޮފް ފޮރިން އެފެއާޒް ޑރ. ބިސޭރާ ޓުރްކޮވިޗްއާ ބައްދަލުކުރައްވައިފިއެވެ.
ރާއްޖޭގެ ފޮރިން މިނިސްޓްރީގައި ބޭއްވި މި ބައްދަލުކުރެއްވުމުގައި ދެގައުމުގެ ދެމެދުގައި އޮންނަ ގުޅުމުގެ މައްޗަށް އަލިއަޅުވާލައްވައި ދެ މިނިސްޓަރުން ވަނީ ވާހަކަފުޅުދައްކަވާފައެވެ. އަދި ގުޅުން އިތުރަށް ބަދަހިކުރެވޭނެ ދާއިރާތަކާ ގުޅޭގޮތުން ވަނީ މަޝްވަރާކުރައްވާފައެވެ. ވިޔަފާރީގެ ދާއިރާއިންނާއި، ތައުލީމީ ދާއިރާ އަދި ފަތުރުވެރިކަމުގެ ދާއިރާއިން އިތުރަށް ގުޅުން ބަދަހިކުރުމަށް މަޝްވަރާކުރެއްވިއެވެ.
މިއީ 27 ޖެނުއަރީ 1997 ގައި ބޮސްނިއާއާއި ރާއްޖެއާ ދެމެދު ސިޔާސީ ގުޅުން ގާއިމްކުރިފަހުން އެގައުމުގެ މަތީ ފަންތީގެ މަންދޫބަކު ރާއްޖެއަށް ޒިޔާރަތްކުރެއްވި ފުރަތަމަ ފަހަރެވެ.
މިނިސްޓަރު ޓުރްކޮވިޗްގެ މި ދަތުރުފުޅުގައި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުގެ އަރިހަށްވެސް ވަނީ އިހުތިރާމުގެ ޒިޔާރަތެއް ކުރައްވާފައެވެ.
