ގޮވާ ޒާތުގެ އެއްޗެއް އޮތްކަމަށް ބުނި މީހަކު ހައްޔަރުކޮށްފި
މައްސަލައާ ގުޅިގެން އުމުރުން 38 އަހަރުގެ ދިވެހި ފިރިހެނަކު ފުލުހުންގެ ބެލުމުގެދަށަށް ގެންގޮސްފައިވޭ
ކުށުގެ ވެއްޓެއްކަން އަންގައިދޭ ޓޭޕް ދަމާފައި | މޯލްޑިވްސް ޕޮލިސް ސާރވިސް
ހުޅުމާލެ ބީޗް ކްލަބްގައި ހުރި މީހަކު, އޭނާގެ ދަބަހުގައި ގޮވާ ޒާތުގެ އެއްޗެއް އޮތްކަމަށް ބުނުމުން، ހުކުރު ދުވަހުގެ ރޭ ފުލުހުން އޭނާ ހައްޔަރުކޮށްފިއެވެ.
ފުލުހުން ބުނީ އެމީހާގެ ދަބަހުގައި ގޮވާ ޒާތުގެ އެއްޗެއް އޮތްކަމަށް ބުނުމާގުޅިގެން އާންމު ފަރާތަކުން އެ މައްސަލަ ފުލުހުންނަށް ރިޕޯޓް ކުރުމުން އެ ސަރަަހައްދުގައި ހަރަކާތްތެރިވި ކަމަށެވެ.
މި މައްސަލައާ ގުޅިގެން އުމުރުން 38 އަހަރުގެ ދިވެހި ފިރިހެނަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް ފުލުހުން ބުނެއެވެ.
ފުލުހުން ބުނީ މިކަމާގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.
މިފަދަ މައްސަލައެއް ފެންމަތިވެފައިވާއިރު، ފުލުހުން ވަނީ ދާދިފަހުން އައްޑޫ ސިޓީއާއި މާލެއާއި ކ. ގުރައިދޫގައި ފުލުހުން ހިންގި ކައުންޓަރ ޓެރަރިޒަމް އޮޕަރޭޝަނަކީ ގިނަ ބަޔަކު މަރާލަންވެގެން ދޭން އުޅުނު ޓެރަރިޒަމް ހަމަލާއެއް ހުއްޓުވުމަށް ހިންގި އޮޕަރޭޝަނެއް ކަމަށް ބުނެފައެވެ.
