ރާއްޖެ
ކޮވިޑް-19، ރާއްޖޭގެ ހާލަތު
ފާއިތުވި ހަފުތާގައި ކޮވިޑް-19ށް ޕޮޒިޓިވްވީ 35 މީހުން
މާލެ ސަރަހައްދުން ކޮވިޑަށް ޕޮޒިޓިވްވެފައިވަނީ 25 މީހުން
އާއިޝަތު ޝިއުރާ, ރާއްޖެ އެމްވީ | 21 ނޮވެމްބަރު 2022 | ހޯމަ 16:30
ކޮވިޑަށް ޓެސްޓުކުރަނީ
ފާއިތުވި ހަފުތާގައި ރާއްޖެއިން ކޮވިޑް-19ށް ޕޮޒިޓިވްވީ 35 މީހުންކަމަށް، ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ހާމަކޮށްފިއެވެ.
އެޗްޕީއޭއިން އާންމުކޮށްފައިވާ ތަފާސްހިސާބުތަކަށް ބަލާއިރު ނޮވެމްބަރ 13ން ނޮވެމްބަރ 19ށް މާލެ ސަރަހައްދުން ކޮވިޑަށް ޕޮޒިޓިވްވެފައިވަނީ 25 މީހުންނެވެ. އަތޮޅުތަކުން 5 މީހުން ޕޮޒިޓިވްވެފައިވާއިރު އެހެން ހިސާބުތަކުންވެސް 5 މީހުން ޕޮޒިޓިވްވެފައިވެއެވެ. ފާއިތުވި ހަފުތާގައި 9 މީހުންނަށް ހޮސްޕިޓަލްތަކުގައި އެޑްމިޓްކޮށްގެން ފަރުވާދީފައިވެއެވެ.
އޭގެކުރީ ހަފުތާގައި ކޮވިޑް-19ށް ޕޮޒިޓިވްވެފައިވަނީ 95 މީހުންނެވެ.
މިއާއެކު މިހާތަނަށް ރާއްޖެއިން ކޮވިޑް-19ށް ޕޮޒިޓިވްވެފައިވަނީ 185،584 މީހުންނެވެ. އަދި 311 މީހުން ވަނީ މިބަލީގައި ނިޔާވެފައެވެ.
