ވޯލްޑް ކަޕަށް ލީގު މެދުކަނޑާލުމުގެ ކުރިން ކުޅުނު އެންމެ ފަހު މެޗުގައި ބޮޑު މޮޅެއް ހޯދާ ޕީއެސްޖީން ފްރާންސް ލީގު ތާވަލުގެ އެއްވަނައިގައި ރަނގަޅު ލީޑެއް ނަގައިފިއެވެ.
ޕީއެސްޖީގެ ދަނޑުގައި އާދީއްތަ ދުވަހުގެރޭ އޯޒޭއާއި ބައްދަލުކުރި މެޗު ޕީއެސްޖީން ކާމިޔާބުކުރީ 5-0ންނެވެ. މެޗުގެ 11 ވަނަ މިނެޓުގައި ޕީއެސްޖީއަށް ލީޑު ނަގައިދިނީ ޓީމުގެ ތަރި ކީލިއަން އެމްބާޕޭއެވެ. ޕީއެސްޖީގެ އަނެއް ހަތަރު ލަނޑުވެސް ފެނުނީ ދެވަނަ ހާފުގައެވެ.
ދެވަނަ ހާފުގެ ހަވަނަ މިނެޓުގައި ޕީއެސްޖީއަށް ލީޑު ފުޅާކޮށްދިނީ ކާލޯސް ސޯލާއެވެ. އޭގެ ހަމިނެޓު ފަހުން އަޝްރަފް ހަކީމީ އިތުރު ލަނޑެއް ޖެހިއިރު 81 ވަނަ މިނެޓުގައި ރެނާޓޯ ސަންޗޭޒްވެސް ލަނޑެއް ޖެހިއެވެ. ޕީއެސްޖީގެ ފަހު ލަނޑު 84 ވަނަ މިނެޓުގައި ޖެހީ ހޫގޯ އެކިޓިކޭއެވެ.
މި ނަތީޖާއާއެކު ތާވަލުގެ އެއްވަނައިގައި ޕީއެސްޖީ އޮތީ 15 މެޗުން 41 ޕޮއިންޓު ހޯދައިގެންނެވެ. ދެވަނައިގައި އޮތް ލެންސްއަށް 36 ޕޮއިންޓު ލިބޭއިރު ރެނެސް ތިންވަނައިގައި އޮތީ 31 ޕޮއިންޓު ހޯދައިގެންނެވެ.
