ތިން ރަށެއްގައި ސިއްހީ މަރުކަޒު އިމާރަތްކުރުމުގެ މަސައްކަތް ބީލަމަށް ހުޅުވާލައިފިއެވެ.
ސިއްހީ މަރުކަޒު އަޅައިދޭނެ ބަޔަކު ހޯދުމަށް ފޮނުވާފައިވަނީ ރ. އިނގުރައިދޫ، ނ. މާފަރު އަދި ހއ. ކެލާގައެވެ.
މިގޮތުން އިނގުރައިދޫ ސިއްހީ މަރުކަޒު އިމާރާތް ކުރުމުގެ މަސައްކަތަށް ބިޑް ސެކިއުރިޓީގެ ގޮތުގައި 405،980،20ރ. ހުށަހަޅަންޖެހެއެވެ. މާފަރު ސިއްހީ މަރުކަޒު އިމާރާތްކުރުމުގެ މަސައްކަތަށް 471،522.95ރ. ހުށަހަޅަންޖެހެއެވެ. އަދި ކެލާ ސިއްހީ މަރުކަޒު އިމާރާތްކުރުމުގެ މަސައްކަތަށް ބިޑް ސެކިއުރިޓީގެ ގޮތުގައި 474،506.08ރ. ހުށަހަޅަންޖެހެއެވެ.
މި ބީލަންތައް ކުރިއަށްގެންދާނެ ގޮތުގެ ގަވާއިދާއި އުސޫލުތައް ފިނޭންސް މިނިސްޓްރީން ވަނީ އާންމުކޮށްފައެވެ.
ބިޑް ހުށަހެޅުން އޮންނާނީ 8 ނޮވެންބަރު ވާ އަންގާރަ ދުވަހުގެ މެންދުރު 13:00ގައި ފިނޭންސް މިނިސްޓްރީގެ ނެޝަނަލް ޓެންޑަރގެ ޖަލްސާކުރާ މާލަމުގައެވެ.
