އޭސީ މިލާން އަތުން ފުރިހަމަ މޮޅެއް ހޯދައިގެން ޗެލްސީ ދެވަނައަށް
6 އޮކްޓޯބަރު 2022 | ބުރާސްފަތި 02:02ޗެލްސީ އާއި މިލާން ވެސް އޮތީ ހަތަރު ޕޮއިންޓުގައި
އޮބަމަޔަން އުފާ ފާޅުކުރަނީ
އަމިއްލަ ދަނޑުގައި އޭސީ މިލާން އަތުން ފުރިހަމަ މޮޅެއް ހޯދައިގެން ޗެލްސީން ޗެމްޕިއަންސް ލީގު ގްރޫޕް އީ ގެ ދެވަނައަށް ޖެހިލައިފިއެވެ.
ފުޓުބޯޅަ މެޗަށް ނުކުތްއިރު އެއްވަނާގައި އޮތް އޭސީ މިލާންގެ މައްޗަށް ޗެލްސީން ކުރި ހޯދީ 3-0 ނެވެ. މެޗުގައި ޗެލްސީގެ ފުރަތަމަ ލަނޑު 24 ވަނަ މިނެޓުގައި ޖެހީ ފޮފަނާއެވެ. މިއީ އޭނާ ޗެލްސީއަށް ޖަހައިދިން ފުރަތަމަ ލަނޑެވެ. ދެވަނަ ހާފްގައި ދެވަނަ ލަނޑު ޖެހީ ބާސެލޯނާއިން ބަދަލުވި ގެބޯންގެ ފޯވާޑް އޮބަމަޔަންއެވެ. ތިންވަނަ ލަނޑު ޖެހީ އިނގިރޭސި ރައިޓް ބެކް ރީސް ޖޭމްސްއެވެ. އޮބަމަޔަން ދެވަނަ ލަނޑު ޖަހަން ފުރުޞަތު ފަހިކޮށްދިނީވެސް ރީސް ޖޭމްސްއެވެ.
ތޯމަސް ޓުޗެލްއާއެކު ފުރަތަމަ ދެ މެޗުން ޕޮއިންޓަކާއެކު އޮތް ޗެލްސީގެ އާ ކޯޗު ޕޮޓާއާއެކު ޗެލްސީ މިހާރު އޮތީ ދެވަނާގައެވެ. މިބައްޔާއެކު އޭސީ މިލާން މިހާރު އޮތީ ހަތަރު ޕޮއިންޓާއެކު ތިންވަނާގައެވެ. ދެޓީމްގެ ދެމެދުގައި އޮތީ ގޯލްގެ ތަފާތެވެ. މެޗުގައި ޗެލްސީގެ ކުރީގެ ފޯވާޑް ޖިރޫޑް 72 މިނެޓާ ހަމައަށް ކުޅުނެވެ.
މިގްރޫޕްގެ އެއްވަނާގައި އޮތީ 1-0 ން ޑައިނަމޯ ޒަގްރެބް ބަލިކުރި އާރުބީ ސަލްޒްބާގްއެވެ. އެޓީމް އެއްވަނާގައި އޮތީ ފަސް ޕޮއިންޓާއެކުއެވެ.
