ޚިޔާނާތުގެ މައްސަލައިގައި ޓްރަމްޕާއި އޭނާގެ ދަރިންގެ މައްޗަށް ދައުވާކޮށްފި
ޓްރަމްޕް ވަނީ މިއީ ދޮގުވާހަކަތަކެއް ކަމަށް ވިދާޅުވެ ކޮށްފައިވާ ދައުވާ ދޮގުކުރައްވާފައި
އެމެރިކާގެ ކުރީގެ ރައީސް ޑޮނަލްޑް ޓްރަމްޕް
ހިޔާނާތުގެ މައްސަލައެއްގައި އެމެރިކާގެ ކުރީގެ ރައީސް ޑޮނާލްޑް ޓްރަމްޕާއި އޭނާގެ ދަރިންގެ މައްޗަށް ދައުވާކޮށްފިއެވެ.
އެމެރިކާގެ ނިއު ޔޯކް ސްޓޭޓްގެ އެޓަރނީ ޖެނެރަލް ވަނީ ބުދަ ދުވަހު ޓްރަމްޕާއި އޭނާގެ ދަރިންގެ މައްޗަށް ހިޔާނާތުގެ މައްސަލައެއްގައި ދައުވާކޮށްފައެވެ. މިދައުވާކޮށްފައި މިވަނީ ތިން އަހަރަށްވުރެ ގިނަ ދުވަހު މިކަމުގެ ތަހުގީގު ކުރުމަށްފަހު ކަމަށް ބޭރުގެ މީޑިއާތަކުން ފާހަގަކުރެއެވެ.
ނިއު ޔޯކްގެ މެންހެޓަންގެ ކޯޓަކުން އުފުލި ދައުވާގައި ޓަރަމްޕް އޯގަނައިޒޭޝަނުން ހިޔާނާތުގެ ގިނަ ކަންތައްތަކެއް ކޮށްފައިވާކަމަށް ވަނީ ތުހުމަތުކޮށްފައެވެ. އަދި މިކަމުގައި ޓްރަމްޕްގެ ދެދަރިން ކަމަށްވާ ޑޮނަލްޑް ޓްރަމްޕް ޖޫނިއަރ އާއި އިވަންކާ ޓްރަމްޕް ވާގިވެރިވެފައިވާކަމަށްވެސް ވަނީ ބުނެފައެވެ.
އެޓަރނީ ޖެނެރަލް ލެޓިޓިއާ ޖޭމްސްގެ ތަހުގީގު ބިނާވެފައި ވަނީ ޓްރަމްޕް އޯގަނައިޒޭޝަނުން އެ އޯގަނައިޒޭޝަންގެ މުއާމަލާތްތައް ކުރުމުގައި ހިޔާނާތްތެރިވެފައިވޭތޯ ބެލުމަށެވެ. މިތަހުގީގުން ގިނަ ކަންތައްތަކެއް ހާމަވެފައިވާކަމަށް ޖޭމްސް ފާހަގަކުރައްވައެވެ.
ޓްރަމްޕް ވަނީ މިއީ ދޮގުވާހަކަތަކެއް ކަމަށް ވިދާޅުވެ، ކޮށްފައިވާ ދައުވާ ދޮގުކުރައްވާފައެވެ.
